Nóg prominente bedankings uit die DA op pad

Nog bedankings deur prominente lede van die DA kan binne die volgende paar dae verwag word.

Verskeie DA-LP’s het op voorwaarde van vertroulikheid aan Maroela Media gesê hulle staan op die punt om te bedank; dis net ʼn kwessie van tydsberekening.

Minstens twee van die DA-LP’s is van die party se prominentste lede en is huishoudelike name. Die kragtige taalgebruik waarin hulle hul voorneme verwoord het, is weliswaar nie publiseerbaar nie, maar laat min rede vir twyfel.

Na verstaan word het minstens een baie prominente DA-LP reeds gister die party van die bedanking in kennis gestel, maar dit op versoek van die party teruggehou. Die DA kan glo nie nog ʼn prominente bedanking op die selfde dag as die bedankings van Mmusi Maimane as partyleier en Athol Trollip as federale voorsitter hanteer nie.

Verdere prominente bedankings sal deur Maroela Media gerapporteer word sodra dit ingedien word.

Ontevredenes se probleem is dat die oorwinning van die Zille-groepering in die verkiesing van die voorsitter van die party se federale raad te veel van ʼn swaai na regs verteenwoordig, wat vir hulle moreel onaanvaarbaar is.

Dit blyk intussen dat Maimane se wens om as leier van die DA in die parlement voort te gaan, nie deur die party, toegestaan gaan word nie. Hy het die DA met sy bedanking as partyleier as ʼn ongeskikte voertuig om ʼn nie-rassige Suid-Afrika te bou, bestempel.

As Maimane nie meer as DA-leier in die parlement mag optree nie, is hy ʼn vet salaristjek van meer as R1,5 miljoen per jaar kwyt.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Mariette Stoltz

Hoewel ek nie ‘n voorstaander van Helen Zille is nie, getuig haar DA rekord van ‘n goeie leier. Haar Twitter tweets was nie deurdag nie, maar nou ook nie sonder waarheid nie. Dink die “regse” etiket spruit daaruit. Maar hoe ‘n lid van die Black Sash as regs beskou kan word gaan my te bowe.

Anoniem

Nou kom die wiele van die DA behoorlik af. Die krake het reeds begin wys toe daar van De Lille ontslae geraak is. Ek hoop die DA kan hulleself uitsorteer anders sal die eens die DA regeerde Wes-Kaap binnekort in die ANC se hande beland.

Penellope Jones

Tyd vir vernuwing soos met meeste dinge in die lewe.
Skep asem, skep moed, vat hande en takel die bul by die horings.
Moenie persoonlike sienings en gevoelens in die pad laat staan nie, dit gaan om die party en die toekoms en die feit dat die DA die sterkste opposisie is moet bly.
Dit gaan nie oor persoonlikhede nie.

Nick

Ja ne!! Lankal gese julle mors tyd met Mini anc-da, stem VF, dis afrikaans! ????????????????

Ellisras

Ek bedank ook met onmiddelike effek uit die DA uit. Of nee wag, nou onthou ek is nie meer lid nie.