Nog raadslede vas oor Durban-tenderskandaal

Argieffoto ter illustrasie van Durban (Foto: oldeani0, Pixabay)

Nog drie verdagtes is in hegtenis geneem in verband met die beweerde multimiljoenrandse tenderskandaal waarin die eThekwini-munisipaliteit gedompel is.

Kol. Katlego Mogale, woordvoerder van die Valke, sê die Valke se nasionale taakspan vir skoon oudits het drie raadslede Donderdagoggend in hegtenis geneem vir hul beweerde aandeel in die  sogenaamde Durban-vasteafval-tenderskandaal.

Maroela Media het vroeër berig die saak hou verband met ʼn kontrak vir die verwydering van vaste afval vir die stad ten bedrae van meer as R200 miljoen.

Diensverskaffers is glo groot bedrae geld betaal, maar geen dienste is gelewer nie.

Die raadslede, al drie tussen 44 en 47 jaar oud, staan nou soos verskeie ander beskuldigdes tereg op aanklagte van bedrog, korrupsie en geldwassery.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Cherokee

Nie dat daar enige haas is met afhandeling van die saak. Gewese burgemeester afgedank met die anc wat haar bloot ander werk aangebied het.

Janee

En so sal dit aangaan….sonder dat enigeen in die tronk beland…heelwaarskynlik dan in die siekeboeg. Maar net nog ‘n dag in hierdie land…..

Elize

Dit roer ons nie meer nie want niks gebeur verder nie.

Kokerboom

Wanneer gaan die vloek oor ons land ophou?

Mariana

Eindelose korrupsie, waar gaan dit eindig.