Nathi Nhleko by ‘n vorige geleentheid. Foto: Werner Beukes/SAPA
Ivan Pillay, voormalige waarnemende SAID-kommissaris, en Peter Richer, ʼn voormalige SAID uitvoerende hoof van strategie, risiko en beplanning, het in ʼn gesamentlike verklaring gesê Nhleko se uitsprake is ʼn “skending van hul regte tot waardigheid en ’n goeie naam”.
“Ons het geen ander keuse as om regsadvies in te win en die nodige stappe te doen om ons te verdedig nie. Tot dusver het al die ondersoeke wat deur SAID en ander staatsinstansies teen ons ingestel is, ons nie die regverdige geleentheid gebied om ons kant van die storie te stel nie,” het die verklaring gelui.
Pillay en Richer het in Mei verlede jaar bedank nadat SAID dissiplinêre stappe teen hulle ingestel het na aanleiding van ʼn verslag van ʼn ondersoekpaneel wat gesê het die vorming van die “rogue unit” moet deur die polisie ondersoek word en mense daarby betrokke moet strafregtelik vervolg word.
Nhleko het verslaggewers Woensdag ingelig oor die vordering van die ondersoek en gesê die Valke se ondersoek spruit uit verskeie verslae wat van SAID ontvang is dat hulle “prima facie-bewyse het” dat die geheime eenheid hul regte oortree het. Die eenheid het glo aksies onderneem wat net die land se intelligensieagentskap gemagtig is om te doen, agente gewerf in teenstelling met SAID se mensehulpbronne-beleid en deur hul optrede skade aan die goeie naam van die belastingdiens gedoen.
Richer en Pillay ontken die bewerings. “Bewerings dat die ondersoekeenhede van die SAID onwettig was, frontmaatskappye bestuur het, waaronder ʼn bordeel, op pres. Jacob Zuma ingeluister het, op belastingbetalers gespioeneer het, onwettige skikkings aangegaan het oor belastinggeskille en in mense se huise ingebreek en afluister-apparate geplant het, is vals en ongegrond,” het Richer en Pillay gesê.
Die twee het volgehou dat die ondersoekeenhede by SAID op ʼn wettige wyse op die been gebring is en “prysenswaardige werk” gedoen het om onwettige aktiwiteite stop te sit.
Intussen het Johann van Loggerenberg, die voormalige hoof van die sogenaamde “rogue unit”, ook ʼn verklaring uitgereik waarin hy bewerings dat die eenheid onregmatig op die been gebring is, ontken.
“Ek ontken dat ek al ooit die wet oortree of enigiets onwettigs gedoen het terwyl ek ʼn SAID-bestuurder was. Ek ontken spesifiek dat die SAID-eenhede waarvan ek ʼn bestuurder was sedert Maart 2008 onwettig op die been gebring is of ooit aan enige onwettige aktiwiteite deelgeneem het,” het hy gesê. Van Loggerenberg het ook gesê dat hy regsadvies sal inwin ná Nhleko se uitsprake.
SAID- van die mees doeltreffende en gerekspekteerde staatsdepartement na die muishond van departemente in minder as 3 jaar. Veels geluk aan diegene wat hiervoor verantwoordelik is. Julle bewys net weereens dat die ANC-regering nie graag wil hê dat die staatsdiens doeltreffend funksioneer nie. Wat die rede hiervoor is, weet net hulle.
Dit is hul kultuur .
Hoe wil dit vir my voorkom asof sommige mense in die regering nie wil he daar moet ‘n tak in die SAID wees wat hulle sake dalk kan bekyk nie. Hulleself is dan sulke eerbare mense wat mos niks verkeerd doen nie. Ek hoor op TV praat hulle van mekaar as “the Honourable”. Ek ruik n rot.
Veritas. Dis n hekse jag want die plaat raak nou vinnig warm onder sommiges, en benoude katte maak tans baie benoude spronge. Ek glo dit is n netelige kwessie wat aan die eenkant moontlik skade aan die land se ekonomie kan veroorsaak. Ek dink die anderkant van die munt weeg egter swaarder, iemand doen alles in n vermoe om te keer vir hulle “wickets” Jy kan maar raai, en jy sal 99,9% reg wees. Snaaks dat alles na Pravin Gordhan se aanstellig begin het??
Oo ja, En so terloops. Die ter saaklikes lees ook hierdie kommentare op Maroela.
Voor 1994 het ons nooit met al die probleme gesit nie!!!!!
Ja, Anoniem, voor 1994 het ons nie dié probleme gehad nie …. of wag, dalk het ons dit gehad, maar dit is net baie goed weggesteek …. Voor 1994 was daar ook onluste, “necklacing”, bomme wat geplant was en mense wat ‘to hell and smithereens’ geblaas is net omdat hulle op die verkeerde plek en tyd was. So pre-1994 was ook nie HEELTEMAL Utopia in Suid-Afrika nie!
Maar ja, voor 1994 het ons ‘n land gehad wat gewerk het, waar jy nie net op jou gat kon sit en gaan steel wat jy wou hê nie. Voor 1994 was ons landsgrense bewaak en kon niemand sommer net oorloop soos hulle wou nie. Voor 1994 het ons Eerste Ministers gehad wat die amp werd was, politici in die Parlement wat nie in “overalls” gestaan en dreunsing het nie. Voor 1994 het ons nie iets soos beurtkrag gehad nie; voor 1994 het ons landsheersers plan gemaak met voorsiening van water in droogte tye, voor 1994 het munisipaliteite dienste gelewer aan gemeenskappe, voor 1994 was iets soos plakkerskampe, vol dwelms en Nigeriërs of Kongolese Noord-Afrikaners ongehoord; voor 1994 was misdaad nie buite beheer nie …. Moet ek aangaan?
Ja, voor 1994 ……………………………….
Klink dan nou vir my Max du Preez is in die kol met sy verslag !
Die SAID het te funksioneel geraak teen die kaders so moet daar toe ontslae geraak word van die mense wat hulle werk te goed doen.
Ek verstaan nie, die Kaders is mos eerbare mense. Hulle is deursigtig en ‘n voorbeeld vir die res van die volk. Hoekom vrees hulle die Ontvanger so en probeer om alles ongedaan te maak??
Hierdie tendense is voorspelbaar en sal voort duur as daar niemand is om na op te kyk nie. Dit is so baie keer reeds gesê: ‘Maak skoon van bo na onder en toets die stelsel van onder na bo’. Is dit so moeilik???
Waarom die groot vrees met “Rogue Unit” as hierdie eenheid dan die nodige resultate lewer. Of is hier weereens ‘n slang in die gras, dat hul ook skielik die bedreiging is soos die “Skerpioene” was. Ondersteun dan liewer die eenheid as daar geen dinge is wat weggesteek word nie en wie wil die geagte heer Nhleko werklik probeer beskerm in die proses? Mnr Pravin Gordhan het uitstekende werk en invorderings diens gedoen tydens sy tydperk as hoof van SAID.
Dit grief my al lankal dat die meeste staatsdepartemente uitmekaarval en onbevoegde personeel het. Behalwe die SAI. Hulle sal altyd bekwame personeel he sodat hulle ons wetsgehoorsames tot die laaste sent kan melk! Hoekom kan die een wat my belasting berekennie vir n lang ruk op verlof gaan nie? Die geld wat hulle invorder maak in elk geval net n paar mense ryk.
Nathi ag nee man. Nkandla se swembad se vlak kant was vir klein vure en die diep kant vir groot vure. Die valke is vir groot misdaad en die “rogue unit” is vir klein misdaad. Ag nee man wees tog n bietjie konsekwent.