Noord-Kaap-boer op sy plaas doodgeskiet

Argieffoto

Argieffoto

ʼn 64-jarige boer is Donderdagaand op sy plaas 25 km buite Kuruman in die Noord-Kaap doodgeskiet.

Lt. Sergio Kock, woordvoerder van die polisie, het gesê voorlopige ondersoeke dui daarop dat die boer in die bors geskiet is. Die voorval het omstreeks 20:00 plaasgevind. “Die polisie is tans nog op die toneel. Dit lyk nie asof enigiets gesteel is nie, maar ons kan dit nog nie met sekerheid sê nie. Dit sal deel vorm van die ondersoek,” het hy gesê.

Ian Cameron, AfriForum se hoof van gemeenskapsveiligheid, het gesê lede van AfriForum se plaaslike veiligheidstrukture was kort ná die voorval op die toneel. “Blykbaar het ʼn werker [die boer] gebel en gesê hy hoor mense buite. Toe hy [die boer] by die stoepdeur uit is, het hulle hom in die bors geskiet en weggehardloop.” Die man se vrou het niks oorgekom nie, het hy gesê.

Volgens Cameron is een verdagte reeds in hegtenis geneem. Kock het dit egter ontken en gesê die polisie weet nog nie hoeveel verdagtes gesoek word nie.

Maroela Media kan nie in hierdie stadium die boer se naam bekend maak nie omdat al sy naasbestaandes nog nie van sy dood in kennis gestel is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Gerhard Bezuidenhout

begin eerste by die werker wat die oproep gemaak het , want ek is oortuig dat hy oor meer inligting beskik.

Theresa

Jou mond is mos groot Mcebo Dlamini en julle is die enigstes wat reg is in die land. Wat sê jy van al hierdie gevalle waarvan daar elke dag in die koerant gelees word? Die wiel gaan nog draai – wag maar!

pop

Die leiers van ons land sweep hulle op, so nou dink hulle dis reg om witmense as voelvry te jag.

CHRISTA

Dit lyk of NET Zuma ‘n reg het om veilig in ons land te wees, daarom word ‘n kwart miljard bestee om hom veilig te hou!!!

anti- jacob

En ons het betaal om Zuma se hoenders veilig te hou?? NOG ‘n kommersiele kosprodusent afgemaai! Plaas moet verkoop word en hele werksmag sonder werk en heenkome. Sterkte aan hierdie familie.