Noordwes: Beeste vir opkomende boere glo aan Zuma gegee

Jacob Zuma (Foto: Nic Bothma, Pool via AP)

Die Suid-Afrikaanse burgerlike organisasie Sanco in Noordwes het Sondag ʼn beroep gedoen dat Manketse Tlape, die LUR vir landelike, omgewings- en landbouontwikkeling, afgedank word.

Dít volg ná die Sunday Times se “oopvlekking wat onthul dat ʼn bonsmara-beestrop ter waarde van R1,5 miljoen wat vir opkomende boere in die provinsie bedoel was” aan Jacob Zuma gegee en afgelewer is in Nkandla in KwaZulu-Natal in Oktober 2016.

Paul Sebegoe, Sanco se voorsitter in Noordwes, het gesê ʼn spesiale ondersoekeenheid moet saam met die openbare beskermer (OB) en die ouditeur-generaal werk om die programme vir landelike, omgewings- en landbouontwikkeling te ondersoek vir ongerymdhede, asook waar die 25 beeste hulle bevind.

Sebegoe het bygevoeg dat die onmiddellike skorsing van die hoof van die departement, die hoof- finansiële beampte en die verantwoordelike programbestuurder die regering se toewyding aan die uitwissing van korrupsie sal toon.

Ondanks “wilde gerugte” binne die sakegemeenskap dat Supra Mahumapelo, premier van Noordwes, opdrag gegee het dat winsgewende kontrakte vir Zuma en sy makkers opsy gesit moet word, het Sanco volgens Sebegoe nie besef Zuma en sy makkers was ʼn regstreekse begunstigde van “korrupsie wat opkomende boere en gemeenskappe verarm het nie”.

Hy het bygevoeg die Valke se ondersoek het aangedui dat Mahumapelo glo betrokke was in die voorval.

Sebegoe meen as Mahumapelo nie betrokke was in die aantygings van korrupsie teen hom en sy administrasie nie, kan hy ten minste verantwoordelikheid aanvaar vir wat onder sy neus plaasgevind het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Bonby

Is daar enige iets waarby die skelm nie betrokke was one?

marous

En die huidige pres kuier al te lekker saam met sy voorganger . So eerbaar …..

HP

Die pryse wat daardie beeste gehaal het vertel alles! Dis veel hoë al die pryse wat in die mark gehaal word!

Renier

R60k per bees, dit moes n paar mooi stoet bulle gewees het.

Frikkie de Kock

Dit maak n mens moedeloos ne. Voel noe asof hierdie korrupsie ooit uitgewis sal word nie. Dit loop net te ver en te diep…..