Noordwes-LUR sterf in ongeluk

Kgakgamotso Nkewu, voormalige LUR van maatskaplike ontwikkeling in Noordwes Foto: Noordwes- provinsiale regering

Kgakgamotso Nkewu, voormalige LUR van maatskaplike ontwikkeling in Noordwes Foto: Noordwes- provinsiale regering

Kgakgamatso Nkewu, LUR van maatskaplike ontwikkeling in Noordwes en provinsiale tesourier van die ANC, is Donderdag in Vryburg in ʼn motorongeluk oorlede.

Die provinsiale regering het bevestig Nkewu en haar twee lyfwagte het op die N18 van Mahikeng na Taung gereis toe hul motor ʼn fietsryer getref het, wat ook op die toneel oorlede is.

“Die ongeluk is ʼn tragiese verlies vir haar familie, die provinsiale regering en die hele land,” het Noordwes-premier Supra Mahumapelo gesê. “Die provinsiale regering het ʼn uiters hardwerkende openbare verteenwoordiger verloor.”

Nkewu is uit die motor geslinger nadat dit die fietsryer getref en omgeslaan het.

Die twee lyfwagte is in ʼn kritieke toestand in die hospitaal.

Die motor het na die ongeluk aan die brand geslaan.

Nkewu is in Mei aangestel as die LUR vir maatskaplike ontwikkeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Hendrik

Jammer om te hoor sterkte aan families

Bravo16

Is dit nie ook ‘n tragiese verlies vir die fietsryer se familie nie?

Irene

Bravo 16 stem saam wat maak haar a beter mens as die fietsryer

Antie

Tragiese verlies vir haar familie, provinsiale regering en die hele land. Wat ‘n tragiese verlies vir die fietsryer se familie, vriende. Baie sterkte aan die fietsryer se familie

Voetstoots

Seker die derde ANC MEC pad-sterfte in die laaste drie weke, en luidens die ANC nog n “tragiese verlies” vir die land – maar tipies is daar geen woord van die ANC oor die tragiese verlies van die fietsryer nie.