Noordwes-polisieman beseer tydens skoolbetoging

Argieffoto Foto: SAPD, Facebook

Argieffoto Foto: SAPD, Facebook

ʼn Polisiebeampte is Donderdag beseer tydens ʼn betoging by ʼn skool in Noordwes.

Kol. Sabata Mokgwabone, woordvoerder van die polisie, het gesê beamptes is na Thuso-Thebe High School in Tlakgameng naby Ganyesa, om ʼn roetine soektog uit te voer en beslag te lê op leerlinge se selfone en gevaarlike wapens.

“Die leerlinge het die beamptes aangeval,” het Mokgwabone verduidelik. “ʼn Polisiebeampte is tydens die voorval beseer. Beamptes van die openbare orde-eenheid is ontbied om die situasie te beheer.”

Volgens Mokgwabone het die leerlinge ook amok gemaak en eiendom beskadig.

Verdere inligting is nie dadelik beskikbaar nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Stefaans

Die polisie moet nie hul selfone, messe en rookgoedjies vat nie, dit vorm deel van standard skooltoerusting.

Pik

Hoekom alles af gebreek en beskadig moet word weet nugter alleen kan niks oppas of onderhou

Maria van Dieweeck

Die groot verskil is: SELFBEHEERSING – 0%!

Hasie

Uiters pateties. Indien al die geld wat deur regerings mense geteel is liewer aangewend kon word aan studente opleiding, sou ons al in ‘n baie beter land gewoon het. Probleem begin by Jacob.

Karen van Zyl

Skool kinders het ‘n polisieman aangeval, lees ek reg? SKOOL kinders? Waarheen gaan hierdie land, sjoe!