Noordwes se planne ná Clover sy aanleg sluit

Lichtenburg. Argieffoto: ANA

TJ Mokgoro, die premier van Noordwes, het gesê hy het met die voorsitter van Melk Suid-Afrika vergader ná Clover aangedui het hy is van voornemens om sy Lichtenburg-aanleg te sluit.

Clover het gesê sy bedrywighede word ontwrig deur onbetroubare kragvoorsiening en waterverskaffing en swak padinfrastruktuur wat hul bedryfskoste verhoog het. Die aanleg – bekend as die grootste kaasfabriek in Suid-Afrika – gaan nou na Queensburgh in Durban verskuif. Minstens 330 mense gaan glo egter weens dié skuif hul werk kwyt wees.

Mokgoro het gesê as deel van die plaaslike regering se pogings om in te gryp in die Ditsobotla- plaaslike munisipaliteit (Lichtenburg), het hy Melk SA genader. Die LUR vir samewerkende regering, tradisionele sake en menslike nedersettings Mmoloki Cwaile en senior beamptes van die kantoor van die premier, en departemente landbou, openbare werke en die Noordwes Ontwikkelingskorporasie het Mokgoro vergesel.

“Die provinsiale regering het verskeie opsies voorgehou wat tans ondersoek word as deel van die ingrypingspoging,” het Brian Setswambung, woordvoerder vir die premier se kantoor, gesê. “Dit sluit in dat Clover in die munisipaliteit moet aanbly en sy verplasing na Durban vertraag word, en om ʼn vennootskap aan te gaan wat sal beteken dat kaas steeds in Lichtenburg vervaardig kan word.”

Bonile Jack, voorsitter van Melk SA, het die provinsiale regering se pogings ondersteun. “Hy het voorgestel dat die regering ʼn bedryfstaakspan moet aanstel wat sakemanne en die provinsiale regering insluit. Hy het ook die regering se poging ondersteun om met Clover in verbinding te tree om hul belegging in Ditsobotla te behou.”

Mokgoro het LUR Cwaile opdrag gegee om ʼn vergadering te belê met die sakegemeenskap in die munisipaliteit om hul uitdagings te bespreek en pogings om by die munisipaliteit in te gryp.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Pieter

Clover, pak op en trek, niks gaan verander na die kastige “ingryping” nie! Maak seker julle vertel die 330 werkloses wie se skuld dit is dat hul nou werkloos is!

Snowball

Eers ‘n krisis, dan wil hulle slaap uit die oë vee en die lam arms oplig. Altyd ingryping nodig, want hulle weet niks van dienslewering of die ekonomie nie. Dwase en onbevoegdes in munisipaliteite is verantwoordelik vir die verval. In hoeveel ander plekke in SA gaan dit net so beroerd?

Jeff

Man sê vir hulle #voetsak cANCer society

Ellie

Ek bly in Lichtenburg….

Ja wel. Sterkte met daai een!

Aikie

Mens moet eers aan hulle sakke vat, lyk dit my, voor hulle wakker skrik.