Noordwes-skoolseun gestenig

Argieffoto

Argieffoto

Sewe mense, waaronder vyf minderjariges, is in hegtenis geneem vir die moord op ʼn skoolseun van Leeudoringstad in Noordwes.

Kol. Sabata Mokgwabone, provinsiale polisiewoordvoerder, het gesê die 17-jarige skoolseun is Maandag glo met klippe doodgegooi.

“Daar word vermoed dat twee groepe seuns van ʼn skool in die Kgakala informele nedersetting op pad was huis toe, toe hulle begin baklei het,” het Mokgwabone gesê. “Dit wil voorkom of die slagoffer met klippe geslaan en gegooi is. Hy is op die toneel dood. Sy vriende kon daarin slaag om weg te hardloop.”

Die sewe verdagtes, tussen 16 en 20 jaar oud, is later die dag in hegtenis geneem .

“Die rede vir die voorval is nog nie bekend nie. Al die minderjariges ondergaan evaluasie deur maatskaplike werkers.”

Die ander twee verdagtes, onderskeidelik 18 en 20 jaar oud, sal na verwagting Woensdag in die Wolmaransstad-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

SNEL ·

Goeiste maar dis wreed, as hulle nou al so wreed en ongevoelig is, hoe gaan hulle vorentoe optree? Hoop regtig hulle gaan nie net met n ligte straf wegkom nie.

jacques ·

Siek wereld waarin ons nou is,en lyk of dit net meer afdraand beweeg.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.