Noordwes-vrou wreed verkrag

Argieffoto Foto: enca.com

Argieffoto Foto: enca.com

ʼn 21-jarige vrou is halfnaak en met kopbeserings in ‘n straat in Klerksdorp aangetref.

Kapt. Paul Ramaloko, polisiewoordvoerder, het gesê die vrou is Saterdag omstreeks 18:15 deur ʼn verbyganger gevind. “Sy is by Elandsheuwel gekry. Sy was bewusteloos en haar blou denimbroek en onderklere het langs haar gelê. Daar was ook glo klippe met bloedspatsels rondom haar,” het Ramaloko gesê.

Die vrou het verskeie wonde aan haar kop en gesig gehad. Nooddienste is na die toneel ontbied en sy is na ʼn nabygeleë hospitaal geneem. ʼn Voorlopige ondersoek het aangedui dat sy verkrag is.

Genl.maj. Jacob Tsumane, die waarnemende provinsiale kommissaris, het ʼn beroep op die gemeenskap gedoen om die Klerksdorp-polisie te nader indien hulle meer inligting oor die voorval het. “Ons verseker enigiemand wat met inligting na vore kom, dat dit die aandag sal kry wat dit verdien,” het hy gesê.

Die vrou het tot op hede nog nie haar bewussyn herwin nie. ʼn Saak van poging tot moord en verkragting word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
WS

Siestog, hoe vernederend moet dit nie wees nie ? Eerstens is haar hele menswaardigheid aangetas met die verkragting en dan word sy net so gelos vir almal om te sien ! Die doodstraf is al ding wat vir hierdie vervlakste verkragters gaan werk.

Gideon

Ek sien julle praat van vroue wat verskeie wonde het, en dan weer van ‘n vrou! Is daar dan ‘n klomp vroue so aangerand?

nadine

Ek raak so vies vir mans wat net dink hulle kan vat wat hulle wil. Ons vrouens moet so versigtig wees as ons met mans gesels. ‘N Flirtasie kan lelike nagevolge he. Party mans kry nie die boodskap van Nee nie.

petro

Ons vrouens moet meer lawaai maak. Die is die enigste berig wat ek gelees het van die walglike daad. Is verkragting nou so alledaags dat net 1 koerant daaroor berig. Die arme, arme vrou. Hoop sy sal herstel.

Franscois

Die land brand, mense wat dit nie wil sien en aanvaar lewe in n droom wereld, verkragting, moord, bedrog, korupsie ag so kan die lys maar net aangaan, die straf wette is so pateties.
En dan sit die opper hoofde en stop hulle monde vol kos en lag en giggel oor alles!
Wens ek kon in die toekoms sien!