NUM dreig om Eskom tot ‘algehele stilstand’ te bring

Argieffoto: GCIS

Die National Union of Mineworkers (NUM) het Donderdag geëis dat Eskom tot algehele stilstand gebring word nadat loononderhandelinge met die kragvoorsiener weer misluk het.

Paris Mashego, NUM se energiesektor-koördineerder, sê die besluite wat daartoe gelei het dat die kragvoorsiener hom in ʼn finansiële krisis bevind, behoort nie die werknemers se las te word nie.

Mashego sê Eskom se aanbod van 0%-verhogings op lone is net nóg ʼn skuif van Eskom wat daartoe gaan lei dat al hoe meer werknemers gefrustreerd gaan raak.

“NUM is gewalg oor die vlak van arrogansie wat deur die swart meerderheid van Eskom se onderhandelingspan ten toon gestel is. Die onderhandelingspan het bewys hulle het geen vermoë om te redeneer nie deur te hou by die aanbod van 0% op alle eise van NUM,” het sy gesê.

“NUM het geen ander opsie as om hard en ferm te reageer op hierdie onsinnige aanbod om te verseker dat Eskom ons woede tot op die diepste vlak voel nie. ʼn Algehele stilstand [by die kragvoorsiener] dreig.”

Ekskom-werkers eis ʼn 15%-verhoging, ʼn 80/20-bydrae tot mediese fondse, ʼn R2 000-verhoging in huistoelae, betaalde kraamverlof van ses maande vir vroue en betaalde kraamverlof van een maand vir mans.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
JH

Dit wil my voorkom al meer probeer die land te sink.

Jannie

Die werkers se eise klink vir my redelik gee dit asb. vir hulle ek wil nie onnodige kragonderbrekings in die gesig staar nie.

Michael

Dit is belaglik’ die eise ‘ maar kyk na Eskom se Base se salarise en BOOOONUSSE dan verstaan ek.

snoefie

natuurlik gaan die sapd num nie in hulle spore stop nie. hee hulle in muur van geregtigheid om in vas te loop.

Hendrik

Na die base se verhogings en en het ek meer geld as Eskom