Numsa eis Comair-hoof se kop

Glenn Orsmond, uitvoerende hoof van Comair (Foto: Comair)

Die National Union of Metalworkers of South Africa (Numsa), die meerderheidvakbond by Comair, sal Dinsdag na die maatskappy se kantoor opruk om die afdanking van die uitvoerende hoof, Glenn Orsmond, te eis.

Phakamile Hlubi-Majola, woordvoerder van die vakbond, sê sy lede is keelvol dat Comair wins voor mense plaas. “Hul hebsug het nou daartoe gelei dat die Burgerlugvaartowerheid (BLO) die lugdiens se bedryfslisensie onbepaald opgeskort het weens kommer oor veiligheidskwessies. Glenn Orsmond se drastiese kostebesnoeiingsmaatreëls het beteken dat die arbeidsmag oorwerk en onderbetaal is. Die veiligheidstandaarde is in gevaar gestel.”

Hlubi-Majola sê indien Orsmond in sy amp bly, sal daar nie ʼn lugdiens oorbly om te verdedig nie. “Minstens 1 300 werkers sal hul werk verloor. Ons eis sy afdanking sodat die lugdiens ʼn kans het op oorlewing.”

Numsa eis dat die raad iemand sal aanstel wat ʼn duidelike strategie het om die lugdiens oor die langtermyn om te draai en wat beslissend kan ingryp om veiligheid te verbeter en seker te maak dat die BLO weer die lisensie herstel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
casper

Aag Numsa – Koop comair dan kan julle mos die base piek man !!

Sean

Numsa stuur jou lede SAL toe daar vloei die geld Julle hou mos van chaos

Kobus

Het NUMSA ooit SAL kaders se koppe ge-eis?

Pienkie

As daar nie wins is nie kan hulle nie bestaan nie, somme het seker ook nooit vir jou sin gemaak nie. Dis hoekom alles plat val wat julle aan vat.

Andre

Hy stel seker te veel mense aan soos die wet vereis.