Nuusleser van die lug af oor Motshekga-‘grap’

'n Skermskoot uit die video waarin Andrew Barnes om verskoning vra.

‘n Skermskoot uit die video waarin Andrew Barnes om verskoning vra.

Andrew Barnes, ʼn senior nuusleser van eNCA wat Woensdag glo ʼn bespotting gemaak het van die minister van onderwys, is van die lug gehaal.

Die uitsaaier het Donderdag ʼn video op hul webtuiste gedeel waarin Barnes om verskoning vra vir sy uitlating. Hy sê in die video hy is dankbaar vir die geleentheid om om verskoning te vra aan minister Angie Motshekga en hy besef die uitlating het ander seergemaak en aanstoot gegee.

Mapi Mhlangu, eNCA se nuusredakteur, vra ook op die video namens die stasie om verskoning vir die voorval.

Barnes het glo Woensdag tydens ʼn regstreekse uitsending ʼn bespotting van Motshekga gemaak, nadat sy glo die woord “epitome” verkeerd uitgespreek het. Dit het onmiddellik ʼn herrie op sosiale media ontketen, met talle gebruikers wat daarop gewys het Barnes het Motshekga se van verkeerd uitgespreek.

Mhlangu het intussen via eNCA se Facebook-blad gesê die regte stappe sal nou in terme van arbeidswetgewing gevolg word en dissiplinêre stappe kan teen Barnes ingestel word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Dee

Dit raak tyd om te move.

DPJ

Is die nie snaaks hoe sommige mense baie verneeder voel oor klein op merkings nie. Ons is hier om nasie te bou en nie elke klein insedent aan die GROOT KLOK op te hang nie.

DPJ

Is dit nie snaaks hoe sommige mense baie verneeder voel oor klein op merkings nie. Ons is hier om nasie te bou en nie elke klein insedent aan die GROOT KLOK op te hang nie.

Liewe lulu

Is daar nou wragtag n nuwe minnister aangestel waarvan ons nie weet nie iets soos volg almal wat wit is se social media en name and shame them maar spaar jou mense want dit is hul reg

Kitty

Hoe belaglik gaan dit nog raak? Waar is vryheid van spraak? Wat van Zuma wat gespot het oor ouens nie nkandla kon reg uitspreek nie?!