Nuusmaker van die jaar aangekondig

Argieffoto

President Cyril Ramaphosa is Donderdag deur die Nasionale Persklub as hul topnuusmaker van 2018 aangewys.

Hierdie jaarlikse toekenning word sedert 1980 deur dié klub toegeken. Benoemings word gegrond op die hoeveelheid mediadekking wat die wenner in ʼn kalenderjaar ontvang het sowel as die impak daarvan. Die Persklub het Donderdag in ʼn verklaring verduidelik dat werkende joernaliste individue vir die titel benoem waarna die finale besluit in die hande van die klub se uitvoerende komitee gelaat word.

Die Nasionale Persklub is die grootste klub van sy soort in Suid-Afrika wat werkende joernaliste verteenwoordig.

Volgens Jos Charle, voorsitter van die klub, is Ramaphosa ʼn prominente figuur sedert sy inhuldiging as Suid-Afrika se vyfde president verlede jaar.

Charle erken dat die besluit om Ramaphosa as nuusmaker aan te wys ’n maklike een was aangesien slagspreuke soos die “New Dawn”, “Ramaphoria” en “Thuma Mina” sedertdien die nuus in 2018 oorheers het.

“Alle oë is nou op Ramaphosa om te sien hoe hy ’n beskadigde landstoestand asook die politieke omgewing wat kabinetskommelings, staatskaping, korrupsie asook ondernemings in staatsbesit insluit, gaan hanteer,” sê Charle.

Voormalige nuusmakers soos deur die Persklub aangewys, sluit in: Die voormalige presidente, Jacob Zuma, Nelson Mandela, FW de Klerk en Thabo Mbeki asook Charlize Theron en die hutsmerk #FeesMustFall.

“Gupta Leaks” het verlede jaar koning gekraai. Die jaarlikse nuusmaker van die jaar-funksie sal na verwagting later vanjaar in Pretoria plaasvind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Jannie

BWAHAHAAA!!! LOL!!! Nie geweet sirkusnarre kry ook toekennings nie!!!

Jannie

Kyk hoe vreet hy ons geld op!!! LOL!!

Nico

Lys bietjie die vorige jare se nuusmakers van 1980 af. Sal baie interessant wees.

Cilliers

Waar is van Steinhoff se mense, of Zondo?

waarheid1

Hy was in die nuus vir al die verkeerde redes.