Nuwe afsnydatum vir grondeise voorgestel

Argieffoto.

Daar word tans gewag op publikasie van die Wetsontwerp op die Herstel van Grondregte ná ʼn kennisgewing in die Staatskoerant van 7 April 2017 gepubliseer is.

“Die kennisgewing bepaal dat die voorgestelde wetsontwerp in die tweede kwartaal van 2017 in die parlement oorweeg sal word en die tydperk vir die indiening van grondeise tot 30 Junie 2021 verleng word,” het AfriSake in ʼn verklaring gesê.

Alle grondeise wat ingevolge die vorige Wet op die Herstel van Grondregte (wetno. 22 van 1994) ingedien is, moet afgehandel word voordat enige nuwe eise oorweeg kan word.

“Korrupsie, veral in die departement van landelike ontwikkeling en grondhervorming, en veral rakende die indiening van ongegronde grondeise, het gelei tot die voorgestelde inwerkingstelling van twee bykomende strafregtelike oortredings in die wetsontwerp,” het AfriSake gesê.

Armand Greyling, regs- en beleidsontleder, het gesê grondeienaars moet hulle vergewis van die inhoud van die wetsontwerp sodra dit beskikbaar is en daarop kommentaar lewer. “Omdat die tydraamwerk vir die indiening van eise van 2019 tot 2021 verleng sal word, gaan dit besonder lank neem om die grondhervormingsproses af te handel, aangesien sekere eise van 1998 steeds nie gefinaliseer is nie,” het Greyling gesê.

AfriSake het gesê die publiek moet kennis dra dat die ANC tans sy plan van radikale sosio-ekonomiese transformasie in werking stel en dat die grondkwessie die middelpunt hiervan is. “Die kennisgewing in die Staatskoerant bepaal dat die wetsontwerp op die ANC se webwerf beskikbaar sal wees, wat ongewoon is, maar die vermoede versterk dat dit ’n meganisme van die ANC is om sy eie grondhervormingsdoelwitte voort te dryf,” het AfriSake gesê.

Charles Castle, bestuurder by AfriSake, het gesê dit is skokkend dat die kennisgewing die publiek na die ANC se webwerf verwys om die wetsontwerp te besigtig. “Enige voorgestelde wetgewing behoort op elke amptelike webwerf van die Suid-Afrikaanse regering te wees en nie op ’n politieke party se webwerf nie,” het Castle gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
JC

BEVEG HULLE ASSEBLIEF AFRISAKE!
MENSE, SLUIT AAN ASB!

Afrikaanse Knaap

Waar het die ANC hom al ooit aan beleid en geregtigheid en regverdigheid gesteur? Hulle soek net 3 goed: mag, geld en stemme. Ons gewone mense beteken vir hulle niks.

JC

Ek sal NOOIT gaan le dat daar oor net oor my en my mede Afrianers getrap word nie. NOOIT!
Ons het al TE VEEL opofferings gemaak. EK SAL NIE, EK WEIER!

JC

Ek sal nooit gaan le dat daar net oor my en my mede Afrikaners getrap word nie. NOOIT! Ek sal nie, ek weier! Ons Afrikaners het al TE VEEL opofferings gemaak vir ons pragtige land, te veel gewerk in die aangesig van ons sweet, en gebloei om sommer net so te se: VAT!!! Wie het al meer bloed opgeoffer en gely vir ons land as ons? Wie se vrouens en kinders het by die duisende omgekom in konsentrasiekampe? Wie se hoofde is verbruisel deur kakiebomme, AMPER ALLE KINDERS VERLOOR IN NIE EEN, TWEE, vryheidsoorloe nie, MAAR SOMMER NOG “for good… Lees meer »

Catryn

Selfbeskikking/Self-determination is ons enigste oplossing, waar ons ons eie soewereine grondgebied het, ons eie leiers kies, eie identiteit, ons eie kultuur, polisie, weermag, ekonomie – hoekom moet ons bly opvreet van swart bemagtiging, die minagting van ons as blanke in ‘n land waar ons hoort … ons het ook ‘n reg tot lewe en internasionale reg tot selfbeskikking. Tans het 11 etniese volke hul eie Trustgebiede, afsonderlik van mekaar, dan het ons ook so ‘n reg, inteendeel hulle het ook ‘n internasionale reg tot Selfbeskikking.