Die nuwe Sorg-beeld wat by die Irene-kerkhof opgerig is. (Foto: Verskaf)
Die Federasie van Afrikaanse Kultuurvereniginge (FAK) het vandag (Dinsdag) ʼn nuwe beeld in die Irene-kampkerkhof in Centurion onthul, ter nagedagtenis aan die vroue en kinders wat tydens die Anglo-Boereoorlog in die Irene-konsentrasiekamp oorlede is. Jacques Müller, wie se oumagrootjie self ʼn kamp oorleef het, het die Sorg-beeld uit oranje dolomiet en brons geskep.
“Die dolomiet, in die vorm van ʼn vlam, herinner aan die verskrikking van die oorlog. Die bronsbeelde is vensters van sorgsaamheid op die oorlog: die ma wat sorg vir haar baba; die groot hand wat vashou en beskerm; die versorgde baba met die wil om te leef en die kosmosblomme waarmee die grafte van geliefdes versorg word,” verduidelik dr. Danie Langner, uitvoerende hoof van die FAK.
Agterop die beeld is in die handskrif van ʼn kind gekerf: Eer die dood, vier die lewe. Die beeld word omring deur ʼn klipmuur wat gebou is met klippe wat op ongemerkte en onbekende kindergraffies in die kampkerkhof gestapel was.
Op 16 Junie 1900, vanjaar 120 jaar gelede, het lord Roberts tydens die Anglo-Boereoorlog die verskroeideaardebeleid aangekondig met die doel om die Boeremagte se ondersteuningstelsels en infrastruktuur te vernietig. ʼn Direkte gevolg van dié beleid is die dood van meer as 34 000 vroue en kinders in konsentrasiekampe. Nagenoeg 1 100 vroue en kinders het in die konsentrasiekamp in Irene gesterf.
Die woorde agter op die nuwe Sorg-beeld wat in die Irene-kerkhof aangebring is. (Foto: Verskaf)
“Ek wil hulle vandag onthou en eer, asook alle kinders wat weens die geweld van dwase politici gesterf het. Maar daar is ook ʼn ander kant. Duisende vroue en kinders het die kampe oorleef en uit die ashope van die verskroeide aarde ʼn toekoms gebou. Hulle was bouers en hoopdraers. Hulle het die oorlog verloor, maar steen vir steen die vrede gewen. Ek wil vandag hulle lewe en bouwerk vier,” sê Langner.
Langner sê die beeld hou ook ʼn belangrike boodskap vir vandag se Afrikanerkind in. “Onthou om te onthou, maar bou uit die ashope van die verlede en hede vir jou ʼn toekoms. Steen vir steen. Die woord sorg hou in Latyn verband met die woord kultuur. ʼn Kultuurmens is ʼn sorgsame mens, wat sorg vir ons erfenis en ons toekoms.”
Die FAK sal later, wanneer die afsonderingstydperk verby is, ʼn kers op elk van die 1 100 graffies plaas en die boodskap van die Sorg-beeld vier.
Baie goeie inisiatief om die geskiedenis te bewaar,nadat die komunistiese regime besluit het om ons geskiedenis te vernietig ,beskerm die monument net teen die anargiste.
Op Upington word die grafte van rebelle wat die oorlog oorleef het, beskikbaar gestel vir dakloses om op te speel en te breek! Help asseblief orals!
Dis n wonderlike idee en dit is baie belangrik vir die nageslag. Ek wonder hoe lank dit gaan wees voor die beeld ook deur rooi verf of petrolbomme gegooi word. Baie hartseer word veroorsaak deur hierdie vandaliste wat geen idee van geskiedenis het nie.
Ek sal dit verseker eendag besoek.
Ja dis die volgende op die lys om plat geslaan te word want dit gaan oor blankes se nalatings skap.
Julle moes dit nie vertoon het nie nou gaan dit afgebreek word
Trane in my oe, baie baie dankie vir die mooi gebaar – sal dit defnitief eendag besoek. Mag ek asb net vra om seker te maak dat die beelde nie beskadig sal word nie. Hoop maar die sekuriteit is goed. Niks wat ons as Witmense doen word aanvaar nie, en is maar net bang die gaan ook beskadig word. Weereens baie dankie FAK. GOD SEEN JULLE.
Baie dankie FAK, dankie mnr Langner. Dit is iets wat in ons volksgeskiedenis gebeur het wat alte maklik deur die huidige geslag jong Afrikaners vergeet word. Albei my oumas was as jong opgeskote dogters in die kamp te Mafeking (nou Mafekeng) en ek het by hulle eerstehands gehoor wat alles daar gebeur het. Dit was ‘n verskriklike onreg wat ons volk aangedoen was. Die enigste ligpunt is dat die bloed van die oorlewendes vandag in die are van die Afrikanervolk vloei en dat ons weer, soos ons voorsate, uit die as sal opstaan en ons selfrespek as volk sal terugwen.
Die ANC is behep met die Boerevolk se datums. Die ANC is op 16 Desember gestig, ons Geloftedag. Vandag is hul Jeugdag, ‘n dag waarop ons die verskroeide aarde beleid herdenk. Duidelik wil hulle teenpole skep teenoor belangrike gebeure in ons geskiedenis. Wys dat die ANC bang is vir ons mense se verlede en probeer om dit te verdoesel. Mens kry die indruk dat die ANC nog steeds ‘n Britse imperialistiese organisasie is.
Baie dankie FAK. Ek is ‘n dankbare ondesteuner. Baie interessant dat sorg en kultuur verwante begrippe is. Ek sal dit beslis onthou.
Dit gryp my in my hart en maak my erfenis nog mooier want die prys wat betaal is maak dit nog kosbaarder. Die lydendes maak dat my Afrikanerhart nooit flouer sal klop nie.
Baie dankie ek sal dit graag gaan besoek.
Hopenlik is ek betyds voordat die brons in ‘n winkeltrollie beland.
Hoe lank dan word dit gespuit met verf of beskadig?
Hoe lank gaan hy staan voor “our people” nie net.kla dit herhinner hulle aan apartheid nie