Nuwe borgtogvoorwaardes vir Oscar Pistorius

oscar-pistorius

Oscar Pistorius op 21 Oktober 2014 in die Pretoriase hooggeregshof tydens vonnisverrigtinge Foto: Themba Hadebe/AP/Pool

Oscar Pistorius het Maandag vlugtig in die hooggeregshof in Pretoria verskyn.

Regter Aubrey Ledwaba het Pistorius se vonnisverrigtinge tot 13 Junie uitgestel. Die verrigtinge sal na verwagting tot 17 Junie duur. Gerrie Nel, die staatsaanklaer, het aan die hof gesê dat albei partye bereid is om op 16 Junie, ʼn openbare vakansiedag, in die hof te verskyn indien nodig.

Die hoogste hof van appèl het verlede jaar Pistorius se skuldigbevinding aan strafbare manslag na moord omgekeer nadat hy sy meisie, Reeva Steenkamp, op Valentynsdag 2013 in sy huis doodgeskiet het.

Die voormalige Paralimpiese atleet staar nou ʼn voorgeskrewe minimum vonnis van 15 jaar in die gesig. Hy is tans besig om sy oorspronklike vonnis onder korrektiewe toesig uit te dien. Pistorius is aanvanklik tot vyf jaar tronkstraf gevonnis nadat hy aan strafbare manslag skuldig bevind is en hy het ongeveer een jaar agter tralies deurgebring.

Pistorius is na bewering oor die naweek in ʼn Pretoriase hospitaal opgeneem, maar die redes daarvoor is nie bekend gemaak nie. Hy is steeds onder huisarres in sy oom se huis in Waterkloof, Pretoria.

Pistorius se borgtogvoorwaardes is Maandag amptelik aangepas. Indien hy sy oom se huis wil verlaat en verder as ’n 20 km-radius van die huis af wil reis, moet hy toestemming van die ondersoekbeampte kry.

Pistorius se regsverteenwoordigers het Maandag aan die hof gesê dat sy elektroniese opsporingstoestel soms nie korrek funksioneer nie. Die derde toestel wat aan hom gegee is, gee hom glo ʼn waarskuwingsboodskap dat hy sy borgtogvoorwaardes verbreek terwyl hy by die huis is.

Regter Ledwaba het die beamptes van korrektiewe dienste en die ondersoekbeampte opdrag gegee om die probleem op te los voordat die hof verdaag het. Pistorius het dadelik ʼn oproep van sy selfoon gemaak en die hof verlaat.

ʼn Groep mense wat Pistorius ondersteun, het buite in die straat voor die hof saamgedrom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

71 Kommentare

jongste oudste gewildste
PJ

Sien hier kom n Shaikh en Selebi geval

Johann

Net voor iemand dalk n gedagte van simpatie en empatie het teenoor arme Oscar se lot…hyt steeds meer toegang tot die lewe as wat Reva ooit sal hê. Miskien is die foutiewe stelael wat hom herrinner aan sy “borg voorwaardes” net wat hy nodig het om te ERken en HERken wat hy aan skuldig is?

Karma

Liewe land, kry nou net KLAAR met dié saak! Dit is ‘n op en af, hierna toe, daarna toe, links, regs …. Oscar moet nou aanvaar dat sy pleidooi dat hy Reeva as ‘n inbreker aangesien het, nie water hou nie. Hy moet verantwoordelikheid aanvaar vir die feit dat hy haar vermoor het, of dit nou met voorbedagte rade, dolus eventualis, of nie was. En die regsbank moet ook nou ophou om kat-en-muis te speel met die saak. Bepaal die straf, laat hom onmiddellik dit begin uitdien en kry klaar daarmee!

jannie

Hy maak nou al of hy sieklik is om sy 15 jaar in die tronk hospitaal deur te bring Daai klomp vrouens wat betoog ek wonder of hulle dit sou doen as dit hulle dogter was wat koelbloedig vermoor was en as mens enige gebrek het gee dit jou nie die reg om te loop en moor nie Hy moet kry wat hom toekom

Tania

As dit enige iemand anders was, was hulle nou al in tronk en vonnis besig om uitgedien te word. Al die bewyse vir ‘n normale leek soos ek wys daartoe dat hy HAAR wou dood skiet, maak nie saak of dit uit skielike waansin was of bepland was nie. Die feit bly staan HY wou HAAR skiet, my een groot vraag WIE gaan badkamer toe daai tyd van die aand en sluit die deur. NIEMAND nie. Genade kry die saak nou oor en verby