Nuwe leierskap vir weermag

Pres. Cyril Ramaphosa kondig Woensdagaand nuwe aanstellings vir die weermag aan. (Foto: Siya Duda/GCIS)

Pres. Cyril Ramaphosa het Woensdagaand die belangrikste bevelsverandering in die Suid-Afrikaanse Weermag (SANW) in die afgelope paar jaar aangekondig.

Lt.genl. Rudzani Maphwanya sal genl. Solly Zacharia Shoke as hoof van die weermag vervang nadat Shoke einde Mei aftree. Die aanstelling tree op 1 Junie in werking.

Maphwanya se militêre loopbaan het in 1978 in Umkhonto we Sizwe afgeskop waarna hy sedert 1994 verskeie poste in die SANW beklee het.

Hy is in 2006 as bevelvoerder van die Suid-Afrikaanse Spesiale Magte aangestel waarna hy in 2016 sy pos as bevelvoerder van die Infanterieformasie ingeneem het.

Maphwanya is later in 2019 as hoof van gesamentlike operasies aangestel. Maphwanya word met sy jongste aanstelling van luitenant-generaal tot generaal bevorder en sal vir vyf jaar die pos beklee.

Ramaphosa het ook aangekondig dat genl.maj. Wiseman Simo Mbambo as hoof van die Suid-Afrikaanse lugmag aangestel word. Mbambo is tans adjunkstafhoof van die SANW.

Pres. Cyril Ramaphosa kondig Woensdagaand nuwe aanstellings vir die weermag aan. (Foto: Siya Duda/GCIS)

Genl.maj. Siphiwe Sangweni dien vanaf 1 Junie as hoof van gesamentlike operasies. Dié afdeling is verantwoordelik vir interne en eksterne operasies wat deur die SANW gedoen word en vir die indiensneming van gesamentlike magte.

Genl.maj. Ntshavheni Maphaha is intussen aangestel as geneesheer-generaal. Dié aanstelling tree egter eers in November in werking.

Genl.maj. Thalita Mxakato sal op haar beurt vanaf 1 Junie as hoof van militêre intelligensie dien. Mxakato word met dié aanstelling die eerste vrouebevelvoerder in die SANW.

“Dit is ’n belangrike – en lank agterstallige – ontwikkeling in die voortdurende poging om die posisie van vroue in ons weermag te bevorder,” het Ramaphosa gesê.

Mbambo, Sangweni en Mxakato word al drie tot luitenant-generaal bevorder.

Ramaphosa het gesê hy is vol vertroue dat die SANW onder leiding van hierdie mans en vroue sal voortgaan om sy grondwetlike verantwoordelikheid na te kom om die Republiek, sy territoriale integriteit en sy mense te verdedig en te beskerm.

Die aanstellings volg op die uittrede van verskeie diens- en afdelingshoofde verlede jaar en vanjaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Boer

Skokend al 3 teroriste nou is hulle die hoof van ons weermag.

Kokerboom

Gaan dit die disfunksionele struktuur enigsins verbeter? Tyd sal leer

Eiervrug

Weermag se nuwe Wedding Planner…

Wakkerslaper

MM, kan julle asb die feite gee – maphwanya se loopbaan van TERREUR het in 1978 in umkhonto we sizwe afgeskop.

Hennie J

Nog 3 aanstellings sonder die toepaslike kwalifikasies, maar wie gee om. Hulle is tog net terroriste en kan net slegter vaar. Weermag is nou regtig n dumping ground for redundant terrorists