ʼn Nuwe Suid-Afrikaanse lugredery, Fly Blue Crane, begin op 1 September met sy eerste vlugte.
Fly Blue Crane sal tussen OR Tambo Internasionale Lughawe in Johannesburg na Bloemfontein, Kimberley en Nelspruit, het die maatskappy Sondag gesê.
“Fly Blue Crane het bepaal wat klante wil hê en kan dit bied – die verhoogde gemak van gereelde vlugte met hoogs kompeterende tariewe,” het Siza Mzimela, uitvoerende hoof van Fly Blue Crane, in ʼn verklaring gesê.
Theunis Potgieter, die lugredery se bedryfshoof, het gesê die lugredery sal ʼn baanbreker in die lugvaartbedryf wees.
Volgens die lugredery reageer hy op die markbehoefte en word waardevolle insig van wêreldreisigers geïmplementeer.
Die aanvangskedule lyk soos volg:
– Vanaf OR Tambo na Bloemfontein: Vyf keer per dag gedurende die week; twee keer op Saterdae; en drie keer op Sondae
– Vanaf OR Tambo na Kimberley: Drie keer per dag gedurende die week; een keer op Saterdae; en twee keer op Sondae; en
– Vanaf OR Tambo na Nelspruit: Twee keer per dag gedurende die week; een keer op Saterdae; en een keer op Sondae.
Gelukkig kan en het PRASA nie ‘n aandeel in hierdie oefening . . .
Reg hier gaan ons. Hoeveel maande voor die eerste gerugte van wanbestuur, astronomiese salarisse, tekort aan instandhouding, bedrog, korrupsie, omkopery ens. ens. die rondte begin doen.
Ek skat tussen 6 en 8 maande.
Verkereerde website gekoppel aan berig .
Link van kaartjies moet verwys na “www.flybluecrane.com”
Dagsê Andre
Die skakel is definitief http://www.flybluecrane.com? Ek het nou op hom geklik en gesien dit werk ook reg?
Laat weet gerus as hy nie aan jou kant reg deurklik nie. Hy behoort ‘n bladsy van Fly Blue Crane oop te maak waar hulle aftel tot die oomblik wat jy kan kaartjies koop.
Groetnis
Suné
nms Maroela Media
Nog n Velvet Sky?
nie vlugte na Kaapstad nie, of het ek nou verkeerd gelees?
het die naweek met Skywise gevlieg, weet nou hoe voel sardientjies. Vet mense, vermy.