Nuwe OB besoek Zuma

Adv. Busisiwe Joyce Mkhwebane. Foto: @GovernmentZA

Adv. Busisiwe Joyce Mkhwebane. Foto: @GovernmentZA

Adv. Busisiwe Mkhwebane, die nuwe openbare beskermer (OB), het Dinsdag ʼn hoflikheidsbesoek by pres. Jacob Zuma afgelê.

Die presidensie het in ʼn verklaring gesê dit was dié twee se eerste vergadering sedert Mkhwebane as openbare beskermer aangestel is.

“Pres. Zuma het adv. Mkhwebane gelukgewens met haar aanstelling. Hy het sy en die regering se ondersteuning en samewerking belowe sodat sy haar grondwetlike verantwoordelikhede kan nakom,” het dr. Bongani Ngqulunga, woordvoerder van die presidensie, gesê.

Volgens Ngqulunga het die president die belangrikheid van alle hoofstuk 9-instellings vir die land se grondwetlike demokrasie benadruk.

“Mkhwebane het die president bedank vir die geleentheid om te kon ontmoet en gesê sy sien uit na konstruktiewe werksverhoudinge met die regering,” hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
MH

Sy het seker haar instruksies vir volgende jaar gekry.

Lucas

Ek dink sy moet ‘n reverdige kans gegun word deur ons. Miskien verras sy ons nog al is ons skepties, Sy weet sy word dopgehou en moet haar kant bring!!

Wouter

Hy weet dan nie eers wat is die hoofstuk 9 instellings nie. Dink nie eers hy wat is hoofstuk 1 nie.

Buitestander

Maak eers vriende en vertrou en kry ondersteuning.

Ben Prinsloo

Nee Lucas ek stem saam met MH. Onse vriend hlaudi weet ook hy word dopgehou en kyk wat vang hy aan. As die madam regverdig was dan sou sy al haar nekkie styf gemaak het met die gewarboel toe die vorige 1 se termyn om was.