Nuwe regulasie vir bakkies

Argieffoto: Verskaf

Die Automobiel Assosiasie (AA) het gesê ʼn nuwe verkeersregulasie wat Donderdag in werking tree, is “ʼn stap in die regte rigting”.

Vanaf Donderdag, 11 Mei, ingevolge die Nasionale Verkeerswet, mag geen kind meer in die bak van bakkies of voertuie vervoer word in ruil vir finansiële vergoeding nie.

Volgens die AA is die nuwe regulasie ʼn stap in die regte rigting omdat dit die veiligheid van skoolkinders op die staat se veiligheidsagenda plaas. “Dit beteken ook diegene wat kinders vervoer met onpadwaardige voertuie of voertuie wat nie ontwerp is vir die vervoer van kinders nie, sal nou hul voertuie moet vervang of herstel,” het die AA in ʼn verklaring gesê.

Die AA meen egter dat dié nuwe regulasie ook ʼn las op ouers plaas wie se enigste uitweg is om hul kinders saam met sulke drywers te laat ry. “Baie ouers het eenvoudig nie ʼn keuse nie; dis ʼn geval van gee jy jou kind toegang tot onderrig, of nie. Dis hoekom dit so noodsaaklik is om beter, betroubare openbare vervoer in afgeleë areas te kry,” lui die verklaring.

Die nommer 250-regulasie verbied ook die vervoer van ander, ouer mense in die bak van voertuie vir vergoeding, behalwe wanneer daar ʼn kap op die voertuig is en indien die passasiers nie naby enige goedere of gereedskap sit nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

104 Kommentare

jongste oudste gewildste
Leendert

Die sleutelwoord is finansiële vergoeding. Dus het niks verander nie. Kinders gaan nog steeds gratis agter op bakkies kan ry soos tans. Die woorde klink mooi, maar beteken niks.

fluffy

Geld die reel ook vir jou werkers , maw as jy goedere of gereedskap agterop het, mag hulle daar sit ?

Jan

So , as ek nou reg verstaan ! Dan mag jy nogsteeds mense/kinders agter op n bakkie laai solank jy n canopy op het en solank jy nie geld vra vir die mense nie ? Dit help mos nie veel nie.

Mauzi

Wil sien hoe haalbaar is hierdie plan…voertuie mag nie ouer as 12jaar wees nie, bestuurders moet in besit van eerstehulp sertifikaart wees,bestuurders moet gevorderde bestuursklasse gedoen het…bla bla bla. Elke kind moet n veiligheidsgordel he…dit wil ek nog sien

Nico

Volgens die nuwe reels mag jy streng gesproke nie eers ‘n ‘toolbox’ saam met mense agterop ‘n bakkie laai nie. Slegs hul persoonlike bagasie.