Nuwe span sal politieke moorde ondersoek

Minister Bheki Cele (Foto: Phando Jikelo, ANA)

Bheki Cele, minister van die Suid-Afrikaanse Polisiediens, het Vrydag gesê ʼn nuwe span ervare polisiebeamptes en staatsaanklaers is aangestel om politieke moorde in KwaZulu-Natal te ondersoek.

“Om vordering te maak, het ons besluit om die lede van die taakspan te verander. Die nuwe span het 118 lede plus agt lede van die vorige taakspan wat steeds met die ondersoek voortgaan,” het Cele in Durban gesê.

“Die span bestaan uit ervare speurders van verskeie provinsies, insluitend KwaZulu-Natal, Gauteng, Mpumalanga, die Oos-Kaap en die Wes-Kaap. Die span van 126 lede staan onder leiding van die waarnemende provinsiale polisiekommissaris, lt.genl. Nhlanhla Mkhwanazi en brigg. Ngwenya en Khumalo.”

Die span se vordering sluit in inhegtenisnemings van ses persone twee weke gelede in verband met politieke moorde in die provinsie. Beamptes het beslag gelê op twee vuurwapens wat sedertdien met agt sake verbind word, het die minister gesê.

Hy het bygevoeg die werk is deel van ʼn nasionale operasie om alle provinsies tot ʼn punt van “stabilisasie” te bring wat misdaad betref en dit werp vrugte af. Aldus Cele is 512 verdagtes sedert Junie in KwaZulu-Natal in hegtenis geneem vir die onwettige besit van vuurwapens en daar is op 706 onwettige vuurwapens beslag gelê, insluitend semi-outomatiese aanvalsgewere, hoëkalibergewere en tuisgemaakte vuurwapens. “Altesaam 6 045 koeëls is ook van die strate verwyder.”

Die taakspan is aangestel nadat pres. Cyril Ramaphosa in Mei die kabinet se sekuriteitspan opdrag gegee het om alle hoëprofielsake en politieke moorde in die provinsie op te los. Dit het gevolg nadat die president die familie van ANC-aktivis Musawenkosi “Magatha” Mchunu besoek het. Hy is op 11 Mei in die oprit van sy huis in Pietermaritzburg doodgeskiet. Mchunu het geëis dat die ANC se uitvoerende komitee in die streek ontbind moet word en dat korrupsie in die munisipaliteite onder die uMgungundlovu-distrik ondersoek moet word.

Ure voor Mchunu se moord is IVP-raadslid en Zululand-distriksvoorsitter Sibuyiselo Dlamini (35) op ʼn snelweg buite Ulundi doodgeskiet.

Hul sterftes het die dodetal van vermoedelik politieke moorde sedert 2011 op 80 te staan gebring. Onafhanklike navorsers sê egter dit kan so hoog wees as 110.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Hanna Hoekom

Ag asseblief tog! Is daar nie baie ander en meer dringende misdaad in ons toilet-land om te ondersoek nie? Wenk: Plaasaanvalle- en moorde. Maar nou ja, ek raai die slagoffers se kleur is nie reg nie…

Nel

Cele is flink om tot aksie oor te gaan as dit by politieke moorde, transito roof ens. kom, maar wat van die plaasmoorde en aanvalle, regverdig dit nie ook spesiale aandag nie?

Msp

En wat van al die ander moorde in Suid Afrika? Die politieke ouens maak mos die wette en beskerm die kriminele… daar is werklik te min politieke moorde en regverdig hoegenaamd geen ernstige optrede nie. Maak eerder die moorde op onskuldige kinders, vroue, ou mense en onskuldige mense ń prioriteit.

Koos .....

Sy hoed vertel boekdele uit n ander era…..ek het lank terug vir die man n joppie probeer herstel toe hy die eerste keer Comissionar was…baie ongeskuk jaag hy ons toe van site af.Toe sit hy in die donker vir die hele naweek. Toe skakel hy my baas. ..die het ook vir hom ge lag. ..hy betekin niks!!!!!

Cherokee

Daar is ‘n irriterende gewoonte van kamera-mense om iets spesifieks as ID voorstelling te gebruik en Cele se hoed is deel daarvan. Papperazi, ek dink julle sal selfs ‘n hoed vir hm koop ter wille van die foto. Julle irriteer my net soos hyself.