Nuwe standbeelde sal Durban se beeld verander, sê burgemeester

Zandile Gumede, burgemeester van eThekwini-munisipaliteit (Foto: Nqobile Mbonambi/ African News Agency (ANA)

Zandile Gumede, burgemeester van eThekwini-munisipaliteit, het gesê twee nuwe standbeelde, ter waarde van R20 miljoen van oudpresident Nelson Mandela en Oliver Tambo, sal die beeld van Durban verander.

Gumede het Dinsdag haar burgemeestersverslag voorgehou by die uitvoerende raad se eerste vergadering vir 2019 in ʼn konferensiekamer by die Moses Mabhida-stadion. Sy het gesê die raad het in 2017 besluit om die “reusagtige” standbeelde van Tambo en Mandela voor die Durbanse stadsaal op te rig.

“Daar is tans ʼn paar koloniale standbeelde voor die stadsaal en hierdie twee sal die beeld van die stad verander,” het Gumede bygevoeg.

“Ons sal binnekort ʼn formele en publieke aankondiging maak sodra ons ons interne prosesse afgehandel het. Ons sal met die kantoor van die premier, die nasionale regering en betrokke families gesels voor ons verdere terugvoer gee. Dit is belangrik dat protokol gevolg word wanneer sekere politieke besluite gemaak word.”

Die munisipaliteit is veroordeel toe dit aan die lig gebring is dat een kunstenaar die tender van R20 miljoen ontvang het om die standbeelde op te rig. Die beplande bekendstelling van die kunstenaar is gevolglik “onbepaald” uitgestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Wurmpie

Wat kom eerste in die land? Standbeelde lyk dit my. Mense vergaan en hul wil 20miljoen spandeer op standbeelde. Kry jul prioriteite reg asb

willem Botha

En wat van Idi Amin,fidel castro,saddam hoesein dan is die groot vyf in Durban.

Joubert

Haha goeie een Hendrik

Jos

As dit so maklik is om die beeld van ‘n stad of dorp te verander kan hulle maar die hele land vol beelde stapel. Hul het seker nog nie tot die besef gekom dat dit lewendige mense is wat die beeld van plek (dorp, stad of land) oordra nie. Hou op met korrupsie en afbrand en bou en maak skoon en lewer diens sodat ons land weer soos ‘n eerste wereld land kan wees, MAAR neeee! dit leer nie.

At Dippenaar

Die twee gaan seker met goud beslaan wees.