Nuwe taksbaas aangestel

Edward Kieswetter is aangestel as die nuwe kommissaris van die Suid-Afrikaanse Inkomstediens. (Foto: Facebook)

Die nasionale tesourie het Woensdagaand aangekondig dat Edward Kieswetter as die nuwe kommissaris van die Suid-Afrikaanse Inkomstediens (SAID) aangestel is.

Kieswetter se aanstelling is van krag vanaf 1 Mei vir ʼn termyn van vyf jaar.

Luidens ʼn verklaring het pres. Cyril Ramaphosa vir Kieswetter in dié invloedryke posisie aangestel na aanleiding van ʼn aanbeveling van die minister van finansies, Tito Mboweni. Mboweni se aanbeveling aan Ramaphosa was gegrond op die aanbeveling van ʼn onafhanklike keurpaneel wat kandidate vir die pos oorweeg het en hul aanbevelings aan Mboweni gemaak het.

Dit het gekom nadat die vorige SAID-kommissaris, Tom Moyane, vroeër deur Ramaphosa in die pad gesteek is na aanleiding van aanbevelings deur ʼn kommissie van ondersoek na bestuursprobleme by die SAID. Die kommissie is deur afgetrede regter Robert Nugent gelei.

“Ons het volle vertroue dat mnr. Kieswetter die ervaring, integriteit en vaardighede het om die SAID om te draai deur inkomste-invordering te herstel, bedrywighede in die rigting van innovering te herlei, toekomstige leiers vir die organisasie te ontwikkel en die SAID se geloofwaardigheid en integriteit te herstel,” het Ramaphosa gesê.

Kieswetter het van 2004 tot 2009 as adjunkkommissaris van die inkomstediens gedien en volgens die nasionale tesourie hom in dié tyd uitstekend van sy taak gekwyt.

Mboweni het Kieswetter gelukgewens met sy aanstelling en gesê hy sien uit daarna dat die inkomstediens “hervestig word as ʼn gerespekteerde belastinginvorderaar met verbeterde inkomste-invorderingsuitkomste”.

“Ek verwag van hom om sonder vrees of vooroordeel op te tree, om die integriteit van die SAID te herstel en te handhaaf, en om belastingbetalers se regte te beskerm in die uitvoering van sy pligte as kommissaris,” het die minister gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Mandie

Kieswetter!!!! Ek kan nie eers meer nie! Bwhahaha

Wiehan

Baie geluk met jou aanstelling Edward. Mag God jou seen en die krag gee, jy gaan dit no dig he. Ons bid vir jou!

Wielspore

Beslis ‘n stap in die regte rigting, maak nou ondertoe ook skoon binne SARS

TLC

Nou ja Baie goeie beslubesluit
Wat ek kan onthou van hom is dan hy n regverdige “wetter” is
Dit gaan sekerlik tyd neem maar hy is die man wat van al Tom se eskom tjommas kan ontslae raak
En daar is baie van hulle
Sterkte

jaco

die sikloon wat mosambiek getref het gaan n sondagskoolkonsert wees teenoor die reen wat nou in SA gaan val. Kan dit waar wees? Sowaar n wit man aangestel in so n hoë pos in die staatsdiens.
Waars die regstellende aksie dan nou?