Nuwe universiteit vir Oos-rand beplan

Mzwandile Masina Foto: @GautengANC, Twitter

Hy het tydens ʼn raadsvergadering in Germiston gesê ʼn universiteit vir Ekurhuleni is nie meer onderhandelbaar nie. “Ons is vasbeslote oor hierdie besluit en beloof om grond beskikbaar te stel sodra ons ʼn belegger kry,” het hy gesê. “Dit is nie aanvaarbaar dat ʼn stad met ʼn bevolking, wat groter is as Mpumalanga, die Vrystaat, Noord-Kaap en Noordwes s’n, nie ʼn universiteit het nie.”

Masina het gesê Ekurhuleni is ook die vervaardigingskern van die kontinent, die tuiste van Afrika se grootste internasionale lughawe en die ook die ligging van die grootste spoorrangeerstasie in die suidelike halfrond. Hy het verder gesê dienslewering in die metro sal bespoedig word en waterlekkasies en straat- en verkeersligte wat buite werking is, sal binne 24 uur herstel word.

Hy het ook gesê ʼn kragstasie vir Ekurhuleni, werkskepping, elektrisiteit in informele nedersettings, WiFi in die metro en die konstruksie van 100 000 huise sal voorkeur geniet. Masina beplan ook om ʼn kommissie op die been te bring om bedrog en korrupsie hok te slaan en om strate te herbenoem na struggle-helde.

Masina het Woensdag sy nuwe burgemeesterskomitee aangekondig:

Doctor Xhakaza – Finansies en ekonomiese ontwikkeling
Robert Mashego – Infrastruktuur
Petrus Mabunda – Vervoer
Tiisetso Nketle – Water, sanitasie en energie
Masele Madihlaba – Stadsbeplanning
Dorah Mlambo – Gemeenskapsdienste
Lesiba Mpya – Menslike nedersettings
Ndosi Shongwe – Omgewingsake en vullisbestuurdienste
Khosi Mabaso – Korporatiewe en gedeelde dienste
Vivian Chauke – Gemeenskapsveiligheid

Masina het oorgeneem by Mondli Gungubele nadat die ANC na afloop van die munisipale verkiesing ʼn koalisie-regering met opposisiepartye gevorm het.