Nuwe waarnemende Valke-hoof aangestel

Lt.genl. Yolisa Matakata, waarnemende hoof van die Valke. Foto: SAPD

Lt.genl. Yolisa Matakata is Donderdag as die nuwe waarnemende hoof van die Valke aangestel.

Fikile Mbalula, minister van polisie, het Donderdag die aankondiging by ʼn mediakonferensie in Pretoria gemaak. Mbalula het gesê hy sal binnekort ʼn permanente aanstelling maak.

Dit volg nadat die hooggeregshof in Pretoria Woensdag bevind het genl.maj. Berning Ntlemeza moet onmiddellik sy pos as hoof van die Valke ontruim.

Mbalula het Donderdag gesê die Valke moet nooit beskou word as ʼn instansie wat nie korrupsie in die private sektor beveg nie. “Ek het die senior bestuur van die Valke daaraan herinner dat hul werk is om misdaad te beveg, ongeag hul status of politieke affiliasie,” het hy gesê. “Ek wil hê ons mense moet vertroue in die Valke hê en dat die instansie klinies moet wees in die uitvoering van sy werk.”

Mbalula het Woensdag sy voorganger, Nathi Nhleko, se aansoek om te appelleer teen die hof se vorige beslissing rakende Ntlemeza, teruggetrek.

Nhleko, die voormalige minister van polisie, het verlede maand hofdokumente ingedien om te appelleer teen die hof se besluit dat sy aanstelling van Ntlemeza ter syde gestel moet word. Hy het die aansoek ingedien nadat die hooggeregshof in Pretoria beslis het Nhleko moet Ntlemeza se aanstelling ter syde stel. Die Helen Suzman-stigting (HSS) en Freedom Under Law (FUL) het die aansoek ingedien om Ntlemeza se aanstelling ter syde te laat stel.

Nhleko het Ntlemeza aangestel ten spyte daarvan dat regter Elias Matojane in Februarie 2015 bevind het Ntlemeza was “bevooroordeeld en oneerlik” en het nie oor “integriteit en eerbaarheid” beskik nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Johan

Nuwe Valk hoof……..o genade help ons……

SP

Ntlemeza het die Valke net so vernietig as Selebi toe hy die speseenhede gesluit het. Daar is bitter min kundigheid en ervaring oor in die Valke,en daar is geen manier om dit reg te maak nie

Petrus

As Ntlemeza onregmatig aangestel is,dan is al sy besluite mos ook onregmatig. Ek hoop daar is n behoorlike ondersoek na sy tydperk as Valke hoof,veral die aanstelling van sy cronies en uitspattige funksies wat miljoene rande gekos het.

Willie

Agge nee waar kom die skierlikke geleerdes vandaan… lyk eerder na n aasvoel

LV

Ek hoop Ntlemeza se arrogante buikspreker(woordvoerder) val ook in sy swaard.