NVG, Zondo-kommissie versterk samewerking

Die vierde gedeelte van die verslag is reeds aan die presidensie oorhandig. (Foto: Elmond Jiyane/GCIS)

Die sekretariaat van die Zondo-kommissie na staatskaping sal voortgaan om die Nasionale Vervolgingsgesag (NVG) en die ondersoekdirektoraat toegang te gee tot getuienis wat voor die kommissie gelewer is om te verseker geslaagde ondersoeke en vervolging spruit daaruit.

Die instellings is dit eens dat beter samewerking benodig word om ʼn naatlose oorgang van onder meer die kommissie se sittings tot strafsake, die herwinning van bates of ander hofsanksies te verseker – en dat dit as ʼn saak van dringendheid hanteer moet word.

“Die beëindiging van straffeloosheid vir hoëvlak-korrupsie en staatskapingsake is ʼn prioriteit vir die land. Dit vereis verbeterde samewerking tussen verskeie rolspelers, terwyl elk hul onderskeie rolle en mandate nakom,” sê Sindisiwe Seboka, woordvoerder van die ondersoekdirektoraat.

Die direktoraat het tot dusver 82 ondersoeke van stapel gestuur en 20 sake is reeds op die hofrol geplaas na aanleiding van getuienis wat by die kommissie aangehoor is. Altesame 65 beskuldigdes word betrek.

Die kommissie het vroeër die vierde gedeelte van sy verslag aan die presidensie oorhandig. Daarin word onder meer uitgestippel hoe die Gupta-familie ʼn plan bewimpel het om Eskom met die hulp van oudpres. Jacob Zuma te kaap.

Die kommissie en Eskom het daarna ook aangekondig dat hulle nou sal saamwerk om staatskapingsake en ondersoeke na ander georganiseerde misdade beter te koördineer. Die instellings het onderneem om meer inligting met mekaar te deel, terwyl die NVG se onafhanklikheid steeds beskerm word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
domheks

Hoop daar is genoeg oranje pakkies beskikbaar! Na R2 Miljard moet ons darem iets sien gebeur>

Renier johannes

Daar gaan niks van kom nie anc beskerm hulle kaders

Kenny

Asseblief Hou op praat doen iets ons sien niks

Heinrich

En dan volg apél op apél op apél…hou nie my asem op nie.

Pienkie

Ag asb bla bla bla bla