Luyanda Majija, ʼn woordvoerder van ER24, sê die bestuurder het glo beheer oor die bakkie verloor, waarna dit omgeslaan en begin rol het. “Van die passasiers is tydens die ongeluk uit die voertuig geslinger,” het sy gesê.
“Die drie mans, in hul twintigs, was reeds dood toe paramedici by die toneel opgedaag het. Die ses mans wat beseer is, het geringe beserings opgedoen en is na die Tsepong-hospitaal geneem vir verdere waarneming.”
Die bestuurder van die bakkie is ongedeerd. Die polisie ondersoek die oorsaak van die ongeluk.
Sterkte aan al die families.