NW-man met pangas doodgekap

Argieffoto

Argieffoto

Die Noordwes-polisie ondersoek ʼn saak van moord nadat ʼn man naby Rustenburg deur ʼn groep mense met pangas doodgekap is.

Brig. Sabata Mokgwabone, woordvoerder van die polisie, het gesê die voorval het Donderdagmiddag in Marikana gebeur. Die groep het die man glo met skerp voorwerpe en pangas aangeval. Hy is op die toneel dood.

“Die motief vir die aanval is nog nie bekend nie en word ondersoek. Niemand is in hegtenis geneem nie,” het Mokgwabone gesê.

Supra Mahumapelo, Noordwes-premier, het die voorval veroordeel en dit as ʼn “hartelose, opsetlike en sinnelose aanval” beskryf. “Dít was opportunistiese kriminele optrede en ons doen ʼn beroep op die polisie om geen steen onaangeroer te laat in hul ondersoek nie,” het Mahumapelo gesê.

Hy het ʼn beroep op die inwoners van Marikana gedoen om die polisie van inligting te voorsien wat tot die inhegtenisneming van die skuldiges sal lei. “Moordenaars het geen plek in ons samelewing nie. Hulle moet aangekeer word sodat hulle die volle mag van die gereg in die gesig kan staar.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Elsie

Die oorledene is beslis nie blank nie want nou moet almal inspring om die moordenaars te kry. ”Moordenaars nie plek in ons samelewing nie?!” Groot grap want dit hang af wie hulle vermoor. Doen dit met elke liewe moord en laat die skuldiges boet!

chris slabbert

Ai maar die mense is wreed ne??

Lance

Nou is dit moordenaars en nie ”verdagtes”

Ancara

Wat kry hulle vir al die sinnelose moorde?Deesdae is die duiwel orals.

vytje

Hartelose, opsetlike en sinlose aanval. Daardie bewoording het ek nog NOOIT by `n blanke persoon of `n Boer gehoor wat VERMOOR word nie.