NWU onder voorste 5% van universiteite ter wêreld

Hoofgebou-potchefstroomkampus1

Hoofgebou by die Potchefstroom-kampus van die Noordwes-Universiteit Foto: Maryke Laas/NWU.

Die Noordwes-Universiteit (NWU) is onder die top-4,8% van die meer as 18 000 universiteite wat wêreldwyd beoordeel word.

Die NWU het byna 100 posisies gestyg van posisie 964 na 869 op die Sentrum vir Wêrelduniversiteitsgraderings (Center for World University Rankings, CWUR) se universiteitsranglys.

Die NWU is steeds in die sewende posisie op die CWUR se ranglys van Suid-Afrikaanse universiteite, maar is die plaaslike universiteit wat sy posisie verreweg die meeste verbeter het.

Die CWUR stel die enigste wêreldwye universiteitsranglys saam wat die gehalte van onderwys en opleiding van studente, asook die prestige van die fakulteitslede en die gehalte van hulle navorsing meet.

Die CWUR gebruik sewe objektiewe en sterk aanwysers om die wêreld se top-1 000 universiteite op ’n ranglys te plaas, waaronder gehalte van onderrig, alumni-aanstellings, gehalte van die fakulteit, navorsingsuitset, hoëgehalte-publikasies, invloed en sitate.

“Met al hierdie feite in gedagte, is dit heeltemal duidelik dat ons geweldige vordering toon om ons droom te verwesenlik om ’n internasionaal erkende universiteit in Afrika te wees wat bekend is vir betrokke wetenskapsbeoefening, maatskaplike deelnemendheid en ’n sorgsaamheidsetiek,” het prof. Dan Kgwadi, visekanselier van die NWU, opgemerk.

“Nie net blink ons uit in baanbrekernavorsing, asook innoverende leer en onderrig nie, maar baat ons ook ons samelewing deur kennis.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
Abe

Wat n grootse prestasie vir Suid-Afrika. Werklik n pluimpie ook vir die stand van die akademie en tersiere opleiding hier.

Lena Jonk

NWU was nog al die jare n uitstaande universiteit. Jongmense wat daar studeer het, het baie goeie erkenning oorsee gekry, daar was geen negatiewe reaksies nie. Bou so voort NWU julle is van die bestes.

George in Bloem

Wonder vir hoe lank? Seker totdat hy bietjie “transformation” ervaar…..

LR

As julle so wil bly presteer dan moet julle NOOIT die blankes wat daar werk marginaliseer nie.
Wens ons kan NWU vestig as dié Afrikaanse universiteit in SA.

Harry Hill

Maar steeds net sewende in SA! Klink vir my na niks om oor te spog nie.