Nzimande uitgejou oor #FeesMustFall

blade-nzimande

Blade Nzimande. Foto: Flickr/GovernmentZA

Blade Nzimande, minister van hoër onderwys, is Donderdag by die Nelson Mandela Metropolitaanse Universiteit deur studente uitgejou nadat hy gesê het gratis onderrig vir almal is nie ʼn volhoubare konsep nie en is slegs haalbaar in ʼn sosialistiese land.

Nzimande het studente by die universiteit toegespreek en hul vrae in verband met die opspraakwekkende #FeesMustFall-beweging beantwoord. Die woedende studente het egter begin skree terwyl Nzimande probeer praat het en gekla dat hul vrae nie beantwoord word nie.

Een van die studente het aan Nzimande gesê die nasionale finansiële hulpskema vir studente (NSFAS) hou net armoede in stand omdat die studente die lenings moet terugbetaal en hulle dit nie kan bekostig nie.

Nzimande het gesê studente moet verstaan dat die departement bykomende hulpbronne sal moet identifiseer voordat die kwessie van gratis onderwys vir armes aandag kan kry. “Die geen verhoging in klasgeld verlede jaar het beteken dat R800 miljoen uit my departement moes kom wat eintlik geoormerk was om werklose jeug te onderrig. Is dit regverdigbaar?” het hy gevra.

Hy het bygevoeg dat die departement moes kyk na toegang tot tersiêre onderrig en opleiding vir jong mense in alle sektore. Hy het gesê met net 30% van matrieks wat verder gaan studeer, is transformasie op alle vlakke nodig.

“Terwyl ons so diep in die #FeesMustFall-stryd is, vergeet ons van die vordering wat die ANC-regering oor die afgelope 22 jaar gemaak het in die onderwys- en onderrigveld,” het hy gesê. Hy het die studente gevra om die departement kans te gee om ʼn langtermynoplossing vir die probleem te vind.

Die departement van hoër onderwys het verlede week gesê hy is tans besig met ʼn proses om te besluit oor universiteitsgeld vir die komende jaar. Sodra daar besluit is oor die klasgeld vir die 2017 akademiese jaar en of daar ʼn verhoging sal wees, sal die departement ʼn aankondiging hieroor maak, het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Yvonne

Nou vir wat het julle sommer van die begin af sulke lee beloftes gemaak? Nou is dit besig om julle in die gat te hap. Ons het almal geweet dit sou nooit realiseer nie, maar julle was mos slim!

Yvonne

Dalk moet ons wonderlike regering DINK voor hulle praat

Cherokee

Iemand moes gevra het watse vordering die ANC-regering oor die afgelope 22 jaar gemaak het in die onderwys- en onderigveld,

rr

Slim vang toe sy baas.

lekker

SKAAKMAT! Hulle gaan jou brand.