OB gaan Maharaj ondersoek oor verblyf op landgoed

Mac Maharaj. Foto: Flickr/GovernmentZA

Mac Maharaj. Foto: Flickr/GovernmentZA

Die Openbare Beskermer gaan ondersoek instel na ʼn klag dat Mac Maharaj, voormalige woordvoerder van die president, in ʼn ministeriële huis gewoon het.

Die klag is deur die DA gelê nadat die Sunday Times berig het dat Maharaj op die Bryntirion-landgoed gebly het terwyl hy pres. Jacob Zuma se woordvoerder was.

Die regering het intussen die besluit verdedig en gesê Maharaj moes daar bly aangesien hy naby die president moes wees. Maharaj is in 2011 as Zuma se woordvoerder aangestel.

Die DA voer intussen aan dat die ministeriële handboek nie voorsiening maak vir gratis behuising vir skakelbeamptes nie en dat dit daarom ʼn vermorsing van belastingbetalers se geld was.

Maharaj, wat in April afgetree het en tans behandeling vir longkanker ontvang, het geweier om kommentaar te lewer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Francois

As daar nou een is/was wat kan lieg en stories verdraai, is dit die knaap…..

George

Hoe weet ‘n mens hy lieg ? Dit is wanneer sy lippe beweeg. Gaan dit nooit ophou nie ?

Thys

Dit wys jou nou maar nê. Lekker gelewe en als verniet gekry. Nou is hy afgetree en siek en word ondersoek. Wat sê hulle nou weer van Karma…….

Winston

Wat kan hy sê? Nog strooi kwytraak?

pieta

Slim het sy baas gevang…