Kgalalelo Masibi, Madonsela se woordvoerder, sê sy het reeds ‘n voorlopige ondersoek gedoen. “Dit is slegs om te bepaal of daar ‘n saak is om te beantwoord.”
Die burgerregte-organisasie AfriForum het in Augustus 2012 ‘n klag by die OB ingedien oor ‘Zumaville’ en Madonsela gevra om dit te ondersoek.
Die dorpie sal sowat 3km van Zuma se Nkandla-woning geleë wees en sal glo sowat R2 miljard kos om te bou. Daar is al vroeër berig dat belastingbetalers minstens die helfte van die projek sal finansier.
Die projek is die breinkind van Masibambisane, ʼn landelike ontwikkelingsorganisasie waarvan Zuma en sy neef Sibusiso “Deebo” Mzobe die voorsitters is.
AfriForum het die OB gevra om ondersoek in te stel aangesien die omstandighede van die projek volgens hulle op ʼn misbruik van mag deur die president neerkom. “Dit is duidelik dat Zuma in sy persoonlike hoedanigheid groot voordeel uit hierdie projek sal trek,” het Ernst Roets, adjunk uitvoerende hoof van AfriForum gesê.
“Die president sit op drie stoele. Hy is die hoof van die uitvoerende gesag in die regering, voorsitter van die regering se vennoot, Masibambisani, in hierdie saak en as burger wat persoonlike belange in Nkandla het, is hy ook ʼn begunstigde in hierdie saak. Dit is besonder oneties, om die minste te sê,” het Roets destyds gesê.
Lees ook:
‘Zumaville’-argiktekte in regsgeding
Planne vir ‘Zumaville’ gaan voort
AfriForum vra Openbare Beskermer om ‘Zumaville’ te ondersoek
Waarvoor die ondersoek ??? Niks gaan daarvan kom nie, niks. Dit is net weer n vermorsing van belasting geld.