“OB is ʼn CIA-agent”

Thuli Madonsela. Foto: Werner Beukes/SAPA

Thuli Madonsela. Foto: Werner Beukes/SAPA

Kebby Maphatsoe, adjunkminister van verdediging en militêre veterane, het Thuli Madonsela, Openbare Beskermer, daarvan beskuldig dat sy vir Amerika se sentrale intelligensie-agentskap (CIA) werk, berig The Star.

“Ons kan nie toelaat dat mense die ANC kaap nie. Ons sal veg en die ANC verdedig. Thuli moet vir ons sê wie haar hanteerder is,” het Maphatsoe Saterdag tydens die grafsteenonthulling van die MK-vegter Linda “Lion of Tshiawelo” Jabane in Soweto, gesê.

Hy het gesê Madonsela word deur die CIA betaal. “Hulle gebruik nou selfs ons instelling. Die Hoofstuk 9-instelling is deur die ANC opgerig en nou word dit teen ons gebruik. Dit is die CIA. Die Amerikaners wil hul eie uitvoerende hoof in Suid-Afrika hê en ons kan dit nie toelaat nie,” het Maphatsoe bygevoeg.

Madonsela kom erg onder skoot sedert sy verlede maand ʼn brief aan pres. Jacob Zuma gestuur het en hom gevra het wanneer hy op die bevindings in haar verslag oor Nkandla gaan reageer.

Sy het intussen gesê sy sal regsaksie teen Maphatsoe neem indien hy nie sy uitlatings terugtrek en om verskoning vra nie. Sy sê Maphatsoe moet andersins bewyse lewer dat sy ʼn agent vir die CIA is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
antjie

Dis nou wragtag die cherry op die koek….CIA se alie man…..

Monica

Haha, dit is sowaar die mees verregaande storie wat die ANC seker nog kon opdis. Hulle is sowaar ‘n klomp narre, maar ongelukkig ‘n klom gevaarlike narre, want hulle het baie mag in hulle hande.

Ben

Kebby Maphatsoe se ongegronde kommentaar is tipies ANC optrede as hul in ‘n hoek gedryf word. Weet die idioot dan nie sy eie president, Jacob homself, het Madonsela aangestel nie? En is sy kennis so beperk dat hy die bestaan van Artikel 9 instellings as ‘n ANC skepping beskryf, die instellings tydens die oorganstydperk destyds onderhandel en in die grondwet ingeskryf…..die ANC is hopeloos te gestrem in breinkrag en inisiatief om so iets uit te dink en te implementeer.

Elizabeth

Enigiets om net nie te die aandag op die werklikheid nl Nkandla-gate ens te vestig nie. Ek kry haar bitter jammer, sy is ‘n absolute dame en reageer ook soos ‘n opgevoede mens. Die hele spul het te veel aaptwak gerook klink dit my – dit maak mos glo dat mens aan vervolgingswaansin begin ly, nou-ja…

pop

Ek is verbaas dat sy nog nie ontslae van geraak is nie< maar dit kom. Hulle sal alles in hulle pad uitvee wat hulle teestand bied.