Obsa kom tot SAL se redding

(Argieffoto: Henk Kruger/ANA)

Die Ontwikkelingsbank van Suider-Afrika (Obsa) gaan R3,5 miljard aan die Suid-Afrikaanse Lugdiens (SAL) verskaf om die lugredery in sy proses van sakeredding by te staan.

Volgens Tlali Tlali, woordvoerder van die SAL, was die sakereddingspraktisyns, die departement van openbare ondernemings en die nasionale tesourie se pogings suksesvol om die balans van die nodige aanvangsfinansiering te bekom om te voldoen aan die lugredery se korttermyn-likiditeitsvereistes totdat die sakereddingsplan gepubliseer en aanvaar is.

Samesprekings met finansiële instellings het volgens Tlali vrugte afgewerp en Obsa het aangebied om die volgende deel van die aanvangsfinansiering te bied met ʼn algehele bedrag van R3,5 miljard, met ʼn onmiddellike onttrekking van R2 miljard. Voorts word verdere finansiering vir die herstruktureringsfase nadat die sakereddingsplan goedgekeur is, deur potensiële finansierders oorweeg.

Daar is op 5 Desember begin met ʼn proses om die SAL in sakeredding te plaas. Finansierders het R2 miljard as na-aanvangsfinansiering voorsien om SAL in staat te stel om voort te gaan met sy bedrywighede, terwyl die regering, deur die nasionale tesourie, ʼn gelyke bedrag beloof het.

Volgens Tlali is die sakereddingsproses nou op ʼn aansienlik gesonder grondslag en kan passasiers, reisagentskappe en lugrederyvennote voortgaan om met vertroue SAL-vlugte te bespreek.

Die DA het intussen gesê die geld wat Obsa aan die SAL gaan verskaf, is niks minder nie as ʼn verdoeselde reddingsboei deur belastingbetalers.

Alf Lees, DA-lid van die staande komitee oor openbare rekeninge in die Nasionale Vergadering, het gesê hy sal ʼn skrywe aan Ibrahim Patel, minister van handel en nywerheid, rig om die volle besonderhede van die lening te kry.

“Obsa val onder die mandaat van die minister en die onus rus dus op hom om besonderhede oor die lening te verskaf.”

Volgens Lees is dit belangrik dat die voorwaardes van die lening, waaronder die rente wat betaal moet word, die sekuriteit wat die SAL vir die lening verskaf het, asook die SAL se terugbetalingverpligting rakende die lening, bekend gemaak moet word.

“Obsa het ʼn ontwikkelingsmandaat en dit moenie insluit om ʼn mislukte staatsonderneming soos die SAL regop te hou nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
Hennie

Ek sal nie my voete op hul vliegtuie sit nie!

Swerwer

SAL weer opgewonde om die geld te plunder. Oor 6 maande gaan ons weer lees oor SAL se verknorsing. Dit gaan en sal NOOIT verander nie…..ek rus my tas!

My opinie

Die OBSA se mandaat is om ONTWIKKELING te finansier soos infrastruktuur, water, sanitasie, behuising ens. ens. Nou word hierdie geld in ‘n bodemlose put gestort en hulle wys die middelvinger aan die armes, wat hierdie infrastruktuur broodnodig het. Die OBSA is ‘n bank, so die geld is ‘n lening, of word dit maar net sommer afgeskryf? ONS belasting geld word deur die regering misbruik om ‘n entiteit te red wat ons nie nodig het nie. Dit net omdat die ANC se uitvoerende komitee besluit het dit moet gedoen word, “no matter what”. Ongelooflik!

pieter

SA burgers moet dood eenvoudig nie van hulle gebruik maak nie.Hy gaan wee bakhand staan binne n jaar.Hulle het nie die kennis om so iets te bestuur nie.

Lourens

En wie gaan dai lening trug betaal?