Stygende kragtariewe kelder boere

(Argieffoto: Mike Krüger)

Die onlangse besluit deur die Nasionale Energiereguleerder (Nersa) dat Eskom byna R13,3 miljard van verbruikers kan verhaal, bykomend tot die jaarlikse elektrisiteitsverhoging, gaan boere in die land kelder. Só het AgriSA Donderdag in ʼn verklaring gesê.

Luidens die verklaring uitgereik deur AgriSA, is die huidige trajek van stygende kragtariewe onvolhoubaar in ’n land wat alreeds ekonomies sukkel en waar die ekonomiese toestand weens die landwye afsondering verder verswak.

AgriSA sê meer as 25%  van die land se voedsel word deur besproeiing- en energie-intensiewe nywerhede geproduseer, insluitend tuinbou, suiwel, pluimvee, korrels en landbouverwerking.

“Die landbousektor speel ʼn kardinale rol om te verseker dat die nasionale voedselsekerheidsvereistes nagekom word. Ten tyde van die Covid-19-pandemie, is dit selfs nóg belangriker dat die landbousektor voldoende en bekostigbare voedsel kan voorsien.”

Volgens AgriSA beloop elektrisiteitsuitgawes in die landbousektor landwyd ongeveer R7,4 miljard vir 2019. AgriSA meen die private opwekking van krag moet sterk as goedkoper alternatief oorweeg word.

Eskom verskaf tans omtrent 95% van die land se elektrisiteit, waarvan die meeste deur steenkool opgewek word. Die kragvoorsiener sukkel die afgelope dekade egter om in die vraag na elektrisiteit te voorsien weens die opwekkingsinfrastruktuur wat agteruitgaan.

Eskom steier onder skuld van nagenoeg R450 miljard en moes die afgelope paar jaar talle kere bakhand by die regering staan vir reddingsboeie om die ligte aan te hou.

Maroela Media het vroeër berig Nersa het Eskom toestemming gegee om die R13,3 miljard vir die 2018-’19-boekjaar van sy plaaslike en internasionale kliënte te verhaal. Die verhaling is bykomend tot die jaarlikse elektrisiteitsverhoging.

Nersa sê hy het die besluit geneem nie net op grond van Eskom se belange nie, maar ook dié van die publiek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Andre

Nee wat.Eskom jy gaan maak dat mense skelm en kriminele word wat net elektrisiteit gaan aanle na hulle huise vanaf boke ens.Mense gaan nie meer betaal nie.

Hoekom

In die belange van die publiek?? Hahahahaha…

JohanR

Asseblief moenie die ANC pla moet die feit as daar nie boere is nie, dan is daar nie kos nie. Hulle het al genoeg probleeme met Covid-19, en die Communist Manifesto aantestel. Daai SAL vrag vlietuig wat by OR land het nie kos vir SA nie. Dit is die ANC, SACP en Cosatu se kos en drank!

Pieter

Ons moet seweto toe trek daar is krag verniet

Alyssa

Almal gaan gebuk onder die belaglike kragtariewe