Old Mutual se uitvoerende hoof weer afgedank

Peter Moyo, afgedankte uitvoerende hoof by die Johannesburgse hooggeregshof (Foto: Dimpho Maja/African News Agency/ANA)

Old Mutual het Donderdag gesê hy het sy uitvoerende hoof, Peter Moyo, weer afgedank terwyl die finansiëledienstemaatskappy poog om ʼn hofuitspraak tersyde te laat stel wat sy oorspronklike afdanking ongeldig verklaar het.

Die Johannesburgse hooggeregshof het in Julie beslis dat Moyo weer as uitvoerende hoof aangestel moet word ná Old Mutual hom in Mei afgedank het, glo weens ʼn konflik van belange. Moyo het aangevoer hy is geskors ná hy ʼn konflik van belange van die groep se voorsitter, Trevor Manuel, onthul het. Old Mutual daag dié hofbeslissing.

In ʼn ope brief aan sy aandeelhouers het Old Mutual gesê “dit is duidelik in die beste belang van die maatskappy en sy aandeelhouers dat die indiensnemingsverhouding met mnr. Moyo beëindig moet word”. “Old Mutual het gevolglik ʼn verdere kennisgewing van sy afdanking aan mnr. Moyo verskaf,” het die maatskappy in die brief, wat op sy webwerf gepubliseer is, gesê.

Die maatskappy het Moyo vroeër verbied toe hy vir werk aangemeld het, en gesê daar is ʼn vertrouensbreuk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Johan

Nou wanneer gaan die man besef dat sy dae by Old Mutual getel is?

Ander Koos

Dikvellig, arrogant of dom astrant? Net in SA waar so iets kan voorkom

JohanR

Verstaan die ANC soek ‘n CEO vir die nuwe NGV? Jy sal perfek wees Peter Moyo. Miskien kan Hlaudi Motsoeneng jou adjunk, of COO wees?

Eddy

Ek het op RSG geluister na die onderhoud wat Ryk van Niekerk met hierdie CEO,Peter Moyo gevoer het.Moyo klink na n arrogante mannetjie en was heeltyd aanvallend.

Bennie

Hy loop met miljoene. Iets soos 50 miljoen plus, maar ons beleggings groei nie want die finasiele omstandighede in die land is maar wankelrig. Dit is mos wat ons moet hoor.
Ek is al moeg vir die verskonings hoekom mens se beleggings so swak groei maar die hoenders die maak geld soos bossies