Olimpiese Spele: Nóg ʼn medalje vir SA

Henri Schoeman, Suid-Afrikaanse driekamp-atleet (Foto: Facebook)

Henri Schoeman, Suid-Afrikaanse driekamp-atleet (Foto: Facebook)

Die driekamp-atleet Henri Schoeman het Donderdag vir die eerste keer in ʼn internasionale wedstryd ʼn podiumposisie vir homself verseker.

Hy het ʼn bronsmedalje verower in die mans-driekamp by die Olimpiese Spele in Rio.

Die twee broers van Engeland, Alistair Brownlee en Jonny Brownlee, het onderskeidelik in die eerste en tweede plek geëindig. Alistair het sy driekamp-titel behou, die eerste atleet wat dit kon regkry. Hy het ses sekondes voor sy broer klaargemaak nadat hy tydens die 10 km-wedloop weggebreek het.

Jonny het tydens die vorige Olimpiese Spele in Londen ʼn bronsmedalje ingepalm.

Richard Murray van Suid-Afrika het in die vierde plek geëindig. Murray, die huidige Wêreldbekerkampioen, het ʼn paar weke gelede geval en sy sleutelbeen gebreek.

Dit is Suid-Afrika se agtste medalje by die Olimpiese Spele en plaas die land in die 33ste posisie op die ranglys.

Suid-Afrika se hoop bly gevestig op Caster Semenya wat Woensdag die tweede uitdunronde van die 800 m vir vroue in 1:59.31 gewen het. Sy neem vroeg Vrydagoggend (SA tyd) aan die halfeindronde deel en kan haar plek in die eindstryd bespreek. In die spiesgooi vir vroue kan Sunette Viljoen ook vroeg Vrydagoggend in die eindronde haar stempel afdruk.

Lees alle Suid-Afrikaanse nuus oor die Olimpiese Spele op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Voorlaaier

Baie geluk Henri!!…..Trots op jou prestasie!

Anthonie Van Bosch

Mooi so !!!

Marianne

What a boytjie!!!!! Baie geluk Henri!
Jy maak ons ALMAL so trots.
Mag hierdie die begin van ‘n fantastiese toekoms wees.

Trots verby

Fantasties so trots op jou!!!

RK

Well done!!!