Omgeruilde kinders ontmoet regte ouers

Argieffoto

Argieffoto

Die twee kinders wat tydens geboorte by ʼn hospitaal in Boksburg aan die Oos-Rand omgeruil is, word aan hulle biologiese families voorgestel.

Die twee kinders, albei vier jaar oud, en hulle ouers ontvang berading. “Die ouers se kontak met hulle biologiese ouers word deur ʼn span van die eenheid vir Kinders, Adolessente en Gesinne bestuur,” het Ann Skelton, direkteur van Tuks se Sentrum vir Kinderreg, aan Sapa gesê.

Die ma’s word aan hulle kinders voorgestel en die kinders aan mekaar. “Die ma’s en kinders ondergaan reeds ʼn behandelingsplan by die Charlotte Maxeke-hospitaal se eenheid vir Kinders, Adolessente en Gesinne,” het Skelton gesê. Sy is deur die hooggeregshof in Pretoria aangestel om die saak te ondersoek en aanbevelings te maak.

Die seun en meisie is op 2 Augustus 2010 by die Tambo-gedenkhospitaal in Boksburg tydens geboorte omgeruil. Die ouers het ingestem om die kinders wat hulle grootgemaak het, te hou. Dit het aan die lig gekom dat die kinders omgeruil is toe een van die pa’s op ʼn vaderskaptoets aangedring het en daar vasgestel is dat nie een van die ouers ʼn biologiese ouer is nie.

Volgens Skelton se verslag het die vroedvrou wat teenwoordig was tydens die geboortes, glo per ongeluk die kinders se naamkaartjies en lêers omgeruil.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

7 Kommentare

Drieks ·

Ek het op ‘n 702 radioshow in Redi se inbeltyd al geluister toe ouers en kinders ingebel het met wie dit gebeur het. Ek het baie gehuil, dinge word nie weer normaal nie. As hul ‘n feite film daaroor maak sal ek dit graag wil sien.

Nina ·

Ek aanvaar nog dat jy twee babas van dieselfde geslag kan omruil, maar ‘n seun en ‘n meisie? Hoe verdomp vertraag is jy dan???

ozmeisie ·

Dit is aaklig. Ek het onlangs ‘n tv reeks gekyk.. Switched at birth…. so ek kan verstaan hoe die ouers voel.

Magriet ·

Die ouers weet mos al voor geboorte gewoontlik wat die geslag is. Of met geboorte word daar vir jou gese of dit seun of dogter is. So ouers moes dadelik onraad vermoed het. Kan dit ook van sekere staats hospitale verwag

Marie Jacobs ·

Genade mag die Vader vir hulle almal genade en krag gee. Wat ‘n vreeslike ding !

susan kruger ·

Ek kan my nie indink hoe mens so ‘n situasie hanteer nie. Hier sit jy met ‘n kind wat jy grootgemaak en liefgekry het as jou eie, en dan is dit nie jou biologiese kind nie. Nou leer jy jou biologiese kind ken – maar jy het vier jaar gemis. Dis vreeslik.

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.