Omikron: WGO kap ‘inentingapatie’; eerste geval in VSA

Tedros Adhanom Ghebreyesus (Foto: Christopher Black/WGO/ AFP)

Die Wêreldgesondheidsorganisasie (WGO) het ʼn streng waarskuwing gerig oor die gevare van inentingapatie terwyl die Europese Unie dit oorweeg om inentings verpligtend te maak te midde van die verspreiding van die nuwe Omikron-variant.

Die nuwe variant is ʼn week gelede vir die eerste keer deur Suid-Afrika aan die WGO gerapporteer. “Wêreldwyd het ons ʼn giftige mengsel van lae entstofdekking en baie lae toetsing – ʼn resep vir die teel en versterking van variante,” sê Tedros Adhanom Ghebreyesus, WGO-hoof.

Volgens die WGO kan dit ʼn paar weke neem om te bepaal of Omikron meer oordraagbaar is of nie, en of dit meer ernstige siektes tot gevolg het, asook hoe effektief huidige behandelings en entstowwe teen die variant is.

Ursula von der Leyen, president van die Europese Kommissie, het intussen gesê dit is “verstaanbaar en gepas” om te bespreek hoe om “verpligte inenting aan te moedig en moontlik daaroor te dink” hoewel slegs individuele lidlande entstofmandate kan oplê.

Oostenryk het reeds gesê dat hy van Februarie af Covid-19-inentings verpligtend sal maak, terwyl Duitsland ʼn soortgelyke benadering oorweeg. Griekeland het Dinsdag gesê dat hy entstowwe vir mense ouer as 60 verpligtend sal maak.

Die Europese sentrum vir siektebeheer en -voorkoming het intussen aanbeveel dat kinders tussen die ouderdomme van vyf en 11 wat die risiko loop van ernstige Covid-19 as ʼn “prioriteitsgroep” vir die inenting beskou moet word.

(Foto: Lionel BONAVENTURE/AFP)

Die VSA het aangekondig dat hy sy eerste Omikron-geval geïdentifiseer het. Die persoon, wat besig is om van ligte simptome te herstel, is ten volle ingeënt en het onlangs van Suid-Afrika terug na die VSA gereis.

Saoedi-Arabië en die Verenigde Arabiese Emirate het ook hul eerste gevalle van Omikron aangeteken.

Die Organisasie vir Ekonomiese Samewerking en Ontwikkeling (OECD) het gewaarsku dat Omikron die wêreld se finansiële herstel bedreig en het groeiskattings vir 2021 van 5,7% tot 5,6% verlaag.

OECD het gesê die herstel het “momentum verloor en word al hoe meer ongebalanseerd” en sal ‘onseker” bly totdat entstowwe wêreldwyd versprei is.

Omikron het tot gevolg gehad dat regerings regoor die wêreld weer reisbeperkings ingestel het, meestal op lande in Suidelike Afrika.

Guterres Antonio Guterres, sekretaris-generaal van die Verenigde Nasies, het sy stem gevoeg by die groeiende koor van kritiek teen dié tipe reisverbod en gesê en dit is uiters onregverdig, ondoeltreffend en ʼn straf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
Frank

Ongelukkig het die WGO al sy integriteit die afgelope jaar verloor

Wakkerslaper

Hi Jacob, het jy dalk ‘n verwysing vir die WGO verslag? Ek sal dit graag wil lees.

Renier johannes

Klomp lieg stories om ons te onder druk gaan nie werk nie

annie

Gelukkig kan ons darem vlieg… Niemand weet of die huidige entstof gaan werk vir die totaal nuwe variant nie, maar die wêreld het voorraad vir Afrika en dit moet opgebruik word al groei skimmel op die moeti..? Antonio tree selfs in die bresse vir Cyril wat nou wil rondvlieg bo in Afrika en sê Cyril mag vlieg want anders is menseregte-skendings op die kaarte en wie wil nou een-beentjie-kniel speel wanneer ‘n nuwe ‘ou’ virus dreig. Omikron. Wat ‘n vreemde naam.

Geregtigheid

LYK MY DAT GE-ENTE MENSE WAT NOU ALLEEN MAG REIS DIE VIRUS VERPREI.