Argieffoto
Die polisie van Emalahleni (Witbank) in Mpumalanga het Woensdag ʼn volskaalse soektog na vier verdagtes van stapel gestuur nadat dié verdagtes net ná 07:00 in ʼn mislukte transitorooftog betrokke was.
Sers. Gerald Sedibe, provinsiale polisiewoordvoerder, sê die voorval het by ʼn vulstasie in dié dorp plaasgevind.
Volgens Sedibe het drie mans in ʼn silwer Volkswagen Polo en ʼn vierde man in ʼn silwer Audi A4 op die G4S-transitovoertuig losgebrand.
Sedibe het gesê die veiligheidswagte het ook skote afgevuur, waarna een van die verdagtes vermoedelik gewond is. “Die ander verdagtes het daarin geslaag om hom [die beseerde man] na die motor te trek en van die toneel te vlug,” het hy gesê.
ʼn 33-jarige omstander is ook in die voorval gewond. Sedibe sê ʼn ander motor wat nié in die rooftog betrokke was nie, is tydens die voorval raakgeskiet.
Geen kontant is in die voorval gesteel nie.
Enigiemand met meer inligting word aangemoedig om lt.kol. Solly Thobejane by 079 891 5845 te bel.
Well done aan hierdie veiligheidswagte, ongelooflik. Jammer aan die omstander, hoop jy is gou weer op die been.
Mooi man dit was nie n inside job nie
Onmoontlik om die polisie te help met hierdie beskrywing as dit die tipe beskrywings wat gegee word los die gedeelte uit van inligting vir die polisie dit is n mors van tyd.
Hoe ironies hulle soek altyd verdagtes kyk maar na die plaasmoorde en dan word hulle net nooit gevang nie !!!!!!!99% van die tyd