Omvattende statistieke oor naskoolse studie vrygestel

bcom graad studeer akademia

Argieffoto

Statistiek Suid-Afrika het pas ʼn omvangryke indieptestudie oor naskoolse onderwys in Suid-Afrika bekend gestel, wat wys dat die land twee keer meer gegradueerdes per jaar lewer as 20 jaar gelede, maar dat die naskoolse onderwyssektor onder grootskaalse uitdagings gebuk gaan.

Die studie kalibreer statistieke – empiriese syfers en getalle – maar maak geen bevinding oor die gehalte of praktiese strategiese nut van die opleiding nie.

Die getal universiteitstudente wat suksesvol gegradueer het, het sedert 2000 meer as verdubbel, van sowat 93 000 tot 203 000. Die getal afgestudeerdes aan verdere onderwys- en opleidingskolleges (vroeër meestal bekend as tegniese kolleges) staan nou op 135 000.

Vergeleke met ander lande behaal baie min universiteitstudente nagraadse kwalifikasies. Van die land se gegradueerdes studeer 19,8% verder tot op honneursvlak, net 6,3% behaal magistergrade en ʼn skamele 1,4% verwerf doktorsgrade.

ʼn Baie groot probleem in die Suid-Afrikaanse universiteitesektor is dat soveel studente opskop en die enorme aantal studente wat nie hul studie binne die konvensionele tyd voltooi nie. Dit is byvoorbeeld algemeen dat studente tot ses jaar neem om ʼn driejaargraad te verwerf.

Daardie syfer lyk darem baie beter as al die Unisa-studente nie in berekening gebring word nie, omdat soveel Unisa-studente ekstra jare nodig het om hul studie te voltooi.

ʼn Verdere groot uitdaging vir tersiêre studie spruit voort uit die skoolstelsel omdat so min matrikulante matriek met universiteitstoelating slaag. Voorts is die druipsyfer en veral die uitvalsyfer in die laaste drie skooljare – graad 10, 11 en 12 – skokkend hoog.

Sowat 20% van leerders gee moed op in hul graad 10-jaar, en van die oorblywendes maak ʼn verdere omtrent 20% nie graad 11 klaar nie. Die hoogste uitvalsyfers is in die Oos-Kaap, Noord-Kaap en KwaZulu-Natal.

Die skokkendste syfer in hierdie verband is egter die 19% van matrikulante wat nie die matriekeksamen aandurf nie – hetsy omdat hulle die skool verlaat of omdat die skool hulle verhoed uit vrees vir die druk op en veroordeling van die skool deur die staat, gemeenskap en media in geval van ʼn lae matriekslaagsyfer.

Kinders uit welvarende huise is meer geneig om te gradueer as kinders uit arm huise. Omtrent 47% van alle gegradueerdes het in huise grootgeword waarvan die inkomste in die boonste vyfde van die land is, en net 7% van gegradueerdes kom uit die armste vyfde van huishoudings. Terwyl 35,3% van wit matrikulante ná skool gaan studeer, is die syfer vir swart matrikulante net 10,6%.

Die studierigtings wat tans die meeste graduandi oplewer, is sakestudies, ekonomiese en bestuurswetenskappe, onderwys en ingenieurswese.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Adam

Lies, damn lies and statistics. Die syfers is totaal nikseggend weens die wegdoen met Technicons ens. Die naakte waarheid is dat daar hopeloos te veel studente op universiteit toegelaat word wat gewoon nie daar hoort nie. Vir talle studente is NFSAS die ideale voertuig om werkloosheid te ontsnap en gaan “studeer” dan en mors die belastingbetaler se geld oa ook deur suiwer vandalisme.

Andreas

Jan-Jan, ek het idee as jy die vergelykende statistiek van bv 50 jaar gelede gaan trek, sal jy dieselfde tendens vind. Dit sal nogal interessant wees om die uitslag te sien, sou jy dit wel doen.

Gert

Ons het in 2018 800000 matrikulante gehad, en volgens hierdie statistiek is daar 330000 wat gradueer op universiteite en kolleges per jaar. Dit is dus byna helfte van matrikulante. Waar moet soveel met tersiêre kwalifikasies werk kry? Het enigiemand daaraan gedink? Hierdie is ‘n derde wêreld land, hier is nie eens genoeg werk vir hande-arbeiders nie, wat nog mense met tersiêre kwalifikasies? Hierdie spul stuur op ‘n ramp af.

Waarheid

Armoede maak jou nie dom nie. Moenie dit as verskoning gebruik nie.

Willimien

Eie wil in elk geval universiteot toe gaan in hierdie omstandighede? Hulle wil nie studeer nie, hulle gaannom alles wat bestaan te verbrand ennaf te breek! FXxX