Onderhoud: Ontduikers, wanbetalers gaan les opsê

Argieffoto

Ontduikers of wanbetalers van kinderonderhoud gaan van vandag af les opsê met die inwerkingtreding van sekere artikels van die Wysigingswet op Onderhoud.

Vanaf 5 Januarie 2018 tree artikels 2, 11 en 13(b) van die wet in werking, waarvolgens ontduikers of wanbetalers se persoonlike inligting aan kredietburo’s verskaf word en hulle op die swartlys geplaas kan word.

Adv. Mthunzi Mhaga, woordvoerder van die departement van justisie en korrektiewe dienste, het gesê dit kan nadelige gevolge vir hul kredietrekord inhou en selfs tot gevolg hê dat krediet aan hulle geweier word.

Volgens Mhaga maak artikel 2 van die wysigingswet voorsiening vir ʼn hofbevel waarvolgens selfoondiensverskaffers, soos Vodacom, MTN, Cell C of Telkom, verplig is om kontakinligting van ontduikers of wanbetalers te verskaf indien hulle nie opgespoor kan word nie.

“Die koste om die inligting van die selfoondiensverskaffers te kry sal deur die staat betaal word indien die klaer dit nie kan bekostig nie. Die hof kan ook die ontduiker of wanbetaler beveel om die staat terug te betaal.” Volgens Mhaga sal die wysiging aan die wet help om ontduikers of wanbetalers wat alles in hul mag doen om hul verpligtinge te ontduik op te spoor.

Mhaga het gesê die departement is daartoe verbind om te verseker dat die onderhoudstelsel die behoeftes van kinders wat geraak word eerste stel. “Hierdie nuwe bepalings vorm deel van ʼn wyer verskeidenheid maatreëls wat deur die departement ingestel is om werklike verandering in dienslewering aan onderhoudsbegunstigdes teweeg te bring en toegang tot geregtigheid vir almal, veral kinders en vroue, te verseker.”

Pres. Jacob Zuma het reeds in 2015 die Wysigingswet op Onderhoud onderteken. Die proklamasie oor die wysigingswet (9/2015) het op 21 Desember in die Staatskoerant verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Caren

Seeing is believing. …ek kon in al die jate nie reg kom daar is n lasbrief vir my eksman maar niks word gedoen nie….ek het 18 jaar 3 kinders grootgemaak..soms jellie oggend..middag en as aandete vir my kinders gegee omdat dit al was wat daar was……kom ons kyk of ek iets gaan kry…..

Lynette Higley

Ek is baie bly om hierdie nuus te lees. Dis hoogtyd. Hoop net hulle stel dit suksesvol in werking.

JA WOHL

Ons sal dit maar eers moet sien. Waar die ‘staat’ aanbied om iets te betaal is daar altyd moeilikheid. Tweedens word daar in baie kulture gedreig om die kinders te vermoor in plaas van om onderhoud te betaal, so sterkte met julle goeie voornemens. Net so graag soos ek julle wil glo WEET ek dit gaan nie uitgevoer word nie. EK gun elke ma of pa wat moet onderhoud ontvang die onderhoud van die ander party, maar met of sonder die staat se hulp bly dit maar ‘n uitdaging.

Louisa

My kinders se pa betaal nou al vanaf 2015 nie onderhoud nie, omdat hy nie werk nie, ek was nou al by die hof en hul doen net niks. Ek het hom nog nooit geweier om my kinders te sien nie. die gereg is pateties, ek sukkel om vir my kinders te sorg en skool gelde te betaal en hy kry net die lekker daarvan

Worsie

Sien hoe kom die FICA wet nou op spel hier… Jou “private inlugting” is nou nie meer so “privaat” nie…