Ondersoek gelas ná swart seun glo swembad belet is

Die swembad by die Klipspringer-gasteplaas en -woonwapark in Modimolle. Foto: Facebook

Die swembad by die Klipspringer-gasteplaas en -woonwapark in Modimolle. Foto: Facebook

Die minister van toerisme het ʼn ondersoek gelas ná ʼn beweerde voorval van rassisme by die Klipspringer-gasteplaas en -woonwapark in Modimolle (Nylstroom).

Min. Derek Hanekom het sy departement se regspan opdrag gegee om die beweerde voorval na die Menseregtekommissie te verwys vir ondersoek.

Die Pos het vroeër berig dat ʼn 15-jarige swart seun glo op Nuwejaarsdag deur die eienaar van die gasteplaas gevra is om uit ’n swembad te klim. Die seun was daar saam met Arrie van Rheede en sy gesin, by wie hy al drie jaar woon nadat sy ma, wat die gesin se huishulp was, siek geraak het.

“Ek kan net dink watter vernedering en pyn enige persoon sal voel in dié omstandighede, wat nog te sê ʼn kind wat die feestelikheid geniet. Die geveg teen rassisme is nie onderhandelbaar nie,” het Hanekom gesê.

“Sommige vorme van rassisme word steeds deur ʼn klein minderheid  beoefen. Sulke optrede hoort nie in ʼn demokratiese samelewing wat gedryf word deur die waardes van gelykheid en nierassisme nie.”

Praveen Naidoo, Hanekom se woordvoerder, het gesê die voorval is Woensdag amptelik by die Menseregtekommissie aangemeld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Michael

My opinie is dat dit nie reg was om dit te doen nie. Wit kinders word net so verneder wanneer hulle nie werk kry oor die kleur van hulle vel en wanneer staatsburgerlike nie vir hulle gegee word oor die kleur van hulle vel nie,so minister Hanekom wees konsekwent met jou ondersoeke

david ras

Groot lawaai oor ‘n klein maar onnodige insident.
Maar gaan die Heer Hanekom dalkies by die MRK kla oor DUISENDE BLANKE STUDENTE wat verbied is om hulle studies voort te sit deur ‘n klomp gewelddage SWART STUDENTE ?
Dieselfde beginsel of hoe ?

Elizabeth

Hier gaan ons al weer.
Michael ek stem 100% saam jou.
Ken hulle ook die vernedering as jy wat niks met apartheid te doen gehad het saam 10 ander aansoek doen maar net jy word uitgesonder,omdat jy wit is is hier nie plek vir jou nie.
Ou Hanekom was lank stil..hy wil ook nou kekkel.
Of hoe sê die spreekwoord.
Elke Haan-ekom kraai koning op sy eie mishoop.

Berhalet Beukes

Ek sou graag die ander kant van die storie wou hoor. Die hele land is totaal en al in ‘n greep van heksejag teenoor blankes vasgevang en ons moet maar ja en amen sê of ons word van rassisme aangekla. Alles is kamma rassisties georiënteerd en tóg weet ons almal dis ‘n siek lieg spul. Die reg van toegang word sekerlik voorbehou of gaan die staat ons vertel wat ons ons eiendom moet doen wat ons voor betaal?

anne

Mnr Hanekom, hoeveel van ons blankes word ook op ‘n daaglikse basis by die skole en werk so behandel en geen haan kraai daaroor nie, dis tyd dat julle bietjie konsekwent begin optree regtig! Kyk bietjie in Johannesburg omgewing naby nuwe jaar op die brue en lamppale hoeveel ”Blacks only” partytjies geadverteer word. Sou n blanke wel opdaag sal hulle hom beslis nie nooi om te bly nie.