Ondersoek gevra na gedrag van Netbal SA-president

(Argieffoto)

Die burgerregtegroep AfriForum het Netbal Suid-Afrika gevra om die beweerde gedrag van sy president te ondersoek nadat die organisasie klagtes ontvang het dat dié liggaam se hoof, Cecilia Molokwane, haar glo wangedra en rassistiese uitlatings gemaak het.

Henk Maree, AfriForum se woordvoerder oor sport, het gesê Molokwane het die uitlatings glo by die Spar-vrouekampioenskap in Augustus vanjaar gemaak.

Volgens hom het haar uitlatings glo ingesluit dat wit spelers net in die span is weens die kwotastelsel en nie in die span behoort te wees nie. Sy het ander mense glo aangehits om sekere spelers op die baan te beseer, het glo negatiewe kommentaar gelewer wat die waardigheid van spelers aangetas het en het glo opmerkings gemaak wat op ras gegrond was.

In ʼn prokureursbrief aan Netbal SA sê AfriForum die bewering teen Molokwane is uiters ernstig en, indien waar, bring dit die goeie naam wat netbal het in gedrang.

“Molokwane se optrede en uitlatings is totaal en al onaanvaarbaar. ’n Mens sou verwag dat iemand in haar posisie eerder sou probeer om netbal in Suid-Afrika te bevorder, maar in dié stadium wil dit voorkom asof sy slegs daar is om sekere spelers te bevoordeel,” het Maree gesê.

Maree sê AfriForum ondersteun ook tans Marguerite Rootman, die voormalige afrigter van die Baobabs, nadat sy glo deur ʼn ongekwalifiseerde swart afrigter vervang is. Maree het gesê die afrigter wat Rootman vervang het, is slegs ʼn soganaamde vlak 1-afrigter, terwyl ʼn afrigter minstens ʼn vlak 2 moet hê om vir die Telkom-liga te kwalifiseer. Die opdrag hiervoor het glo ook van Molokwane gekom.

Hy sê dit is een van verskeie voorvalle wat AfriForum tans ondersoek as deel van die organisasie se breër veldtog vir regverdigheid en gelykheid in Suid-Afrikaanse netbal.

Die organisasie wil ook die Internasionale Netbalfederasie by sy veldtog te betrek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
TLC

Nou wag ons net om te hoor wat het Rassie se opvolger te se oor RUG…….. o koek nou het ek RUGPYN

Amanda

Dit het al jare terug op skoolvlak begin!!! Daar mag net 1 of 2 blanke kinders gekies word vir provinsiale spanne!!! Hoe onregverdig is dit nie!! Proewe word gespeel, maar die besluite is reeds vooraf geneem. Dit breek ons kinders, kan netbal S. A nie maar net soos die Rugby regverdigheid hê nie!!! Dalk wen ons Netbal span ook eendag n Wêreldbeker!!!

James

Wit is nie welkom nie. Soos hulle gese het wittes is onwelkom gaste van die land.

sannie

Dit is maklik om te besluit wat met haar moet gebeur. Sy het rassisme gebruik teenoor wit spelers en ek neem aan wit spelers moes seerkry. Daar was al baie sulkes. Maak net van haar ‘n voorbeeld.

Devil

Is daar ‘n video?