Die VF Plus verwelkom die proklamasie wat pres. Cyril Ramaphosa Dinsdag uitgereik het wat die spesiale ondersoekeenheid (SOE) magtig om bewerings van korrupsie en wanadministrasie in Limpopo se departement van gesondheid te ondersoek wat voortspruit uit verkryging.
Enige finansiële verliese wat die staat of departement gely het, moet ook verhaal word.
Die SOE se ondersoek sal onder meer fokus op die verkryging van, of kontraktering vir afvalbestuursdienste in die provinsie en sal in besonder kyk na kontrakte vir die verwydering, behandeling, vervoer, versameling en wegdoening van gevaarlike mediese afval.
“Die VF Plus sal egter wil sien dat die ondersoek uitgebrei word na die res van die departement, aangesien gesondheidsorg in Limpopo se provinsiale hospitale en klinieke veel te wense oorlaat,” sê Marcelle Maritz, die VF Plus se provinsiale leier.
Die party glo dat die SOE-ondersoek net die oortjies van die seekoei gaan ontbloot en daar moet ook gekyk word na ander tenders en kontrakte wat die departement toegeken het vir die tydperk van 1 Januarie 2010 tot 18 Maart 2022.
“Die VF Plus veg al die afgelope twaalf jaar teen die verval in openbare gesondheidsorg in Limpopo en sal aanhou druk uitoefen totdat alle korrupsie en wanbestuur in die departement uitgeroei is,” voeg Maritz by.
The SIU investigation @HealthLimpopo will focus on the procurement of or contracting for waste management services. The probe will specifically look at contracts for the removal, treatment, transportation, collection, treatment and disposal of healthcare risk waste.
— Special Investigating Unit (SIU) (@RSASIU) March 22, 2022
Wat gaan van die ondersoek kom….niks
Soos gewoonlik niks!!!!!!!!!