Ondersoek na M1-brugineenstorting gou hervat

Foto: Netcare 911

Foto: Netcare 911

Die departement van arbeid het Vrydagoggend gesê die ondersoek na die M1-brugineenstorting sal binnekort hervat word.

Twee mense is dood en 19 ander beseer toe die brug in Oktober ineengestort het. Die ondersoek na die voorval is sedertdien al verskeie kere uitgestel.

Mokgadi Pela, woordvoerder van die departement van arbeid, het gesê die ondersoek sal Donderdag voortgaan. “Dit sal begin met insette deur die konstruksiemaatskappy Murray & Roberts.”

Hy het gesê die ondersoek sal tot 15 Julie duur. Die ondersoek word deur die departement gedoen ingevolge die Wet op Beroepsgesondheid en -veiligheid om beweerde nalatigheid te ondersoek.

Volgens Pela sal ingenieurs van Murray & Roberts en verteenwoordigers van die Stad Johannesburg, die Johannesburgse Ontwikkelingsagentskap, Royal HaskoningDHV, Formscaff, die Ingenieursraad  van Suid-Afrika en die vakbond NUM na verwagting tydens die ondersoek getuig.

Die ondersoek sal by die departement van arbeid se kantore in die Pretoriase middestad gebou word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Jan maak n Plan

En ons dog die ondersoek is al amper klaar – aag man vergeet ek nou weer ek bly in SA en hier wat dinge b a i e l a n g e r.

Karma

@Jan, jaaaa …. ou maat. In SA vaaat deeenge baaaaja laaaanger ….. Afrika tyd!!!

Klippie

Hul kyk seker of dit nie dalk Jan van Riebeeck se skuld is nie……of dalk die “ou” regering?

Annemarie

Jan van Riebeeck sê jy….. Was dit dalk nie weer ‘n apartheid brug nie

KP

Seker regstellende aksie ingenieurs nou soek hulle eers iemand anders om die skuld te gee.