Ondersoek ná moordslagoffer se oorskot uit lykshuis verdwyn

(Foto: Unsplash)

Die polisie in Limpopo stel ondersoek in nadat die oorskot van ʼn moordslagoffer oënskynlik die afgelope week uit die staatslykshuis in Lebowakgomo gesteel is.

Brig. Motlafela Mojapelo, polisiewoordvoerder, het gesê Precious Mohale Magabane het in Desember 2018 reeds verdwyn. Die polisieondersoek het sedertdien tot die inhegtenisneming van twee verdagtes in verband met haar moord gelei. Sommige dele van haar oorskot is ook op verskillende plekke langs die Burgersfort-Mashishing (Lydenburg)- pad gevind.

“Die oorskot is vir forensiese toetse geneem en is glo teruggebring na die Lebowakgomo-staatslykshuis,’ het Mojeplo gesê.

Magabane se familie het die diefstal aangemeld nadat die begrafnisondernemer wat haar begrafnis sou behartig, glad nie die oorskot kon opspoor toe hy dit Woensdag gaan oplaai het nie.

Die familie het daarna ʼn klagte van diefstal aanhangig gemaak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

katerinadiekat ·

Seker vir muti. Good grief. Only in South Africa..

Riaana ·

O, Liewe Aarde nou het ek wragtig alles gehoor….only in South-Africa…

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.