(Foto: SA Polisie)
Die Onafhanklike Polisieondersoekdirektoraat (Opod) stel ondersoek in na die afsterwe van Phumlani Sithole (23) van Kwambonambi in KwaZulu-Natal. Opod ondersoek die sterfte as ʼn gevolg van polisie-optrede.
Ndileka Cola, woordvoerder, het gesê Opod het die familie Maandag besoek as deel van die ondersoek. “Die inligting wat ontvang is, is ʼn duidelike teken dat die saak binne die mandaat van die direktoraat val om alle sterftes weens polisie-optrede te ondersoek.”
Polisiebeamptes het Vrydagaand ʼn klopjag uitgevoer toe hulle ʼn gemeenskapsvieringsvenue betree het om die skare te verjaag. “Die oorledene was glo in dieselfde omgewing tot die beamptes skote gevuur het en hy is oorlede.”
Cola het gesê Opod se ondersoek duur voort en die uitslag van die nadoodse ondersoek is nog nie bekendgemaak nie.
Groot hoed skitter in sy afwesigheid al WEER nee regtig! Waar kruip hy nou weer weg of soek hy nog mense sonder maskers?
Wanneer gaan die SAP soos beskaafde mense optree ? Maar aan die ander kant . . . ???