Ondersoek na ‘rasvoorval’ by sewestoernooi

Foto: Don Johnstone/Facebook

Foto: Don Johnstone/Facebook

ʼn Beweerde voorval van rassisme het glo die naweek tydens die sewesrugbytoernooi in die Kaapstad-stadion voorgekom.

Don Johnstone, wat ʼn toeskouer by dié toernooi was, het na bewering in ʼn fisiese konfrontasie met ʼn ander toeskouer betrokke geraak, nadat die ander toeskouer glo na Seabelo Seanatla, vleuel van die Blitsbokke, as ʼn “bobbejaan” verwys het.

“My kantoor sal verseker dat die saak ondersoek word en verdere stappe geneem word, indien nodig,” het Patricia de Lille, burgemeester van Kaapstad, intussen gesê.

Die beweerde voorval het glo tydens die kragmeting tussen Suid-Afrika en Kenia plaasgevind.

De Lille het Johnstone geloof dat hy standpunt teen die beweerde rassisme ingeneem het. “Die meerderheid Suid-Afrikaners is nie rassiste nie en ons kan nie toelaat dat rassiste namens ons praat nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Theo

Sou graag die anderkant van die storie wil hoor asook die regte een.

Kaspaas

Wel die ou het ook rassistiese asnmerkings gemaak deur te se n rassistiese Afrikaner het hom geslaan.

Realiteit

Jou oë was voor die voorval ook toe!
Bly eerder stil as jy nie weet wat in ons land gebeur nie. Jammer dat dit by n sport byeenkoms gebeur het Sport is n sterk medium tot versoening ,maar die realteit is dat die grootter meerderheid nooit sal versoen tot n suksesvolle samelewing nie.

Toffie

Ek weet nie hoekom hy so baie klem moes lê op Twitter dat dit ‘n Afrikaner was wat hom gelooi het nie. Probeer ons sleg maak asof Malema en kie haat vir die Afrikaner nie genoeg aanblaas nie. Miskien het hy homself met sy eie handsak gemoker om aandag te kry.

Henry

Wie sê dat daai ou wat bob-djaan geskree het, ‘n rassis is. Om ‘n rugbyspeler (wit of swart) wat droog maak ‘n bobbejaan te noem, is so oud as die berge.

Die ou spul Politiek Korrektes (PK) kan gerus hul getemery laat los en prober groot word. Kyk net wat vir ‘n Ma se shaainer het die outjie gekry vir al sy PK bewustheid!